2015 kumthak lungngaihna

Leitung pen khawl loin a kipeipei ahih manin kumluite zong hong bei in kumthakte hongtungzel hi. Hih 2015 kumthak hun ah Zomite bang geel in bangsem leng cihpen mimal kim in geelleh ngaihsut khatciat nei ding hihang.

Kum 2015 kum pen ahoih pen ding lamen in a siapen dinginzong kiging khol kawm in nungta siam ding hihang.

1. Ngaihsun pha dih ni.
Kumlui 2014 sungin i gam sung i minamsung i pawlpi, i innkuan ciat enleng Pasian a it, mipammaih tampi-in Topa kiang hong zuatsan hi. Amaute tawh i kitehkak ciangin i hoih zawkna, iphatzawkna gen ding om tuan hetlo napi-in Topa in na’ng le kei nuntakna hun hong pia lai-in kumthak2015 ah hong galkahpihna thupen ngaihsuthuai mahmah dingin ka um a, thudang tuamtuam a omkhaphial zongin, Topa in na’ng le kei tungah lamet khat hong nei lai khat a hi khatam maw ahihkeileh vantungah i thaman ding om nai mello a, nuntak hun a ngah lai peuh i hih khazaw hiam ngaihsunpha dih ni. Thu saupi mu in thukhual tak in nungta ding hihang.

2. Kipuahpha dihni.
Topa’n i nuntakna hute hong kawm lai buangin beisa nuntak lui sunga, a hoih lote kipuahphain, Topa le minam ading nuntak sawm ding hihang. Topa in, a ma a ding, na minam ading ngimna lelametna hong nei lai ahih manin a nungta i hi hi. Tua ahih manin i nuntakna limtak ngaihsun in,kipuahpha ding hang a, 2015 kum pen cidam kum, lawhcinkum le Topa le minam ading na lianpi isep khiat kum a suah theih na dingin kipuahpha dih ni ci-in i kihanthawn nuam hi.

Editorial
ZYA Weekly News