Apasal tawh akitawng nupikhat temta tawh ki liamsakgawp in, inntungpan tuahsawm

Apasal tawh akitawng nupikhat temta tawh ki liamsakgawp in, inntungpan tuahsawm

Singapore gamsung ah nupikhat apasal in numei dangtawh kithuahsan ahih manin, hehmahmah a, amahleh amah ki thahlupsawm cih STOMP pan kiza hi. Tua numeinu pen temta khattawh amahleh amah ki liamsakgawp in, tuakhit ciangin inndawl 11 Floor panin lenkhiat sawmmawk hi.

Hih buaina thupiang pen Sunday nitaklam 2:28pm hunpawl in Block 289 Yishun Avenue 6 sungah thupiang ahihi.

Tua nupinu ii aminpen Cai Lili kici a, kum 45 aphakhinkhat ahihi. Shin Min Daily News te genkhiatna ah hih Cai Lili pen apasal in khemden in, numei dangtawh akithuah atheih ciangin hehlua mahmah cihi.

Tuavai hangin hihte nupa pen nakpitak in kamkinial in, kitawnggawp uh a, tuakhit asawtlo in hih buaina thu apiang cihi.

Ageinai panin amukha te genna ah hih nupinu pen hehlua, lunghamlua mahmah in, amahleh amah temtawh aki at kawmin, awnggawp cihi. Temta tawh akhut, akhe akuihgawpna akigawm in mun 30 valbang liamgawp ciliang hi.

Video 1: Yishun woman cuts herself with knife and stands on 11th floor railing after husband’s alleged affair

Tuabang in amahleh amah temta tawh aki kuihgawp khitciangin innsangdawn panin lenkhiatsawm hi. Singapore Civil Defence Force (SCDF) te’nzong atheih uhciangin tua innsangpi ii anuai ah akiatsuk khakleh ci’n Safety Air Pack te leilak ah phahsak uhhi. Tuazong hemkhia un ci’n nupinu in otsan ziahziah cihi.

Palik mawtaw, Police Patrol Vehicle bekbek akigawm in 10 bangin delhpah uh a, tuaban ah meiphelh mawtaw Fire Engine zong nihtak in aphual ah delhpah uhhi.

Video 2: The standoff lasted nearly two hours, with the woman shouting at officers and demanding that they remove the safety air pack

Inndawl 11 leh 12 kikal aom akiu panin alenkhiatsawm hi a, Singapore Civil Defence Force (SCDF) te’n nainih sungbang abuaipihkhit uhciangin innpanglam ah ngendankhat khuhsuk in, tuatawh akiatloh nadingin dalthei uh a, tua nupinu pen alenkhiatma in honkhiathei uhhi.

Police Spokesman khatin agenna ah tua nupinu pen amahleh amah ki thahsawm, Suicide sawm bekthamlo, hiamtawi ahih manin, kimanphot a, thu kibawlding cihi. Ahi zongin amasa in Hospital khatah kipuak masa hi.

More: Apasal tawh lupkhopding nial ahih manin, anumeivan Acid ki buahsak

Guahzu daikai nuai ah Singapore Civil Defence Force te’n hanciam takin nainih sungbang abuaipihkhit uhciangin tua nupinu ii nuntakna honkhiathei bilbel uhhi. Sawltak #zomidaily