Banghang in Pasian nasem te pahtawi huaihiam? ~ Rev. Pau Khan Khai
Thumasa: Pasian nasem te pen ami in en lehang Pahtawina ding omlo thei , kimulo thei dinga ahizongin Zeisu aitangin nasemte ahihna tawh mukhawm thei leng pahtawinading tam mahmah ding hi.
Lai Siangtho tungtawn in Pasian nasemte bangcih ding cih enni:
1- Zahtak ding hi:
IThe 5:12- Sanggamte aw Topa in note lam honglak dingleh a hong makaih dingin aseh, note lakah na hongsem mite akilawm akituak in zahtak bawl un( We ask you, brothers, to respect those who labor among you and are over you in the Lord and admonish you- ESV).
2- It ding hi:
IThe 5:13- Amaute nasepna hangin amaute nakpi takin itbawl in zahtak un( To esteem them very highly in love because of their work-ESV).
3- Thupha bawlding hi:
Gal 6:6- Pasian thuhilhna aza mipa in amaneih nahoih khempeuh zong , amah ahilhpa tawh zangkhawm ta hen( Let the one who is taught the word share all good things with the one who teaches-ESV).
4- Anuntakzawhna dingin vaakding hi:
1Cor 9:14- Tuamah bangin Lungdamna thu ahilhte in tua nasepna mah panin nuntakna angahna dinguh Topa thupiak ahihi( In the sameway, the Lord commanded that those who proclaim the Gospel should get their living by the gospel-ESV).
5-Athu mang ding hi:
Heb 13:17- Na makai te uh thu namang unla, agenna uh bangin nagamta un, amaute thu mang le ucin anasepna uh ah lungdam mahmah ding uha,mangkei le ucin adahpipi in nasem ding uh hi.Dahpipi in asepna uh ah, note adingin zong phattuamna omtuan hilo hi- Obey your leaders and submit to them, for they are keeping watch over your souls, as those who will have to give an account.Let them do this with joy and not with groaning, for that would be of no advantage to you- ESV).
6- Thungetsak ding hi:
Ephe 6:18- Tatsat lo in Pasian mite adingin thungetsak uh( Praying at all times in the Spirit, —-keep alert with all perseverance , making supplication for all the saints- ESV).
7-Huh ding hi:
1Tim 5:17- Pawlpi sung ukna leh makaih siam in , thuhilh leh thugen hahkat tawh athuah makai te ( Elders) te pen thaman azahnih piakding kilawm hi- (Let the elders who rule well be considered worthy of double honor, especially those who labor in preaching and teaching -ESV).
8- Gensia lo ding hi:
Thuhilhna 5:6- Khialkha ing ci-in Pasian siampipa mai ah nagending kisam khading ahih manin nakampauna hangin khialkha kei in.Tuabangin gamtale cin nanna tungah Pasian hehdinga, nasepsak khempeuh hongsuksiat sak ding hi( Let not your mouth lead you into sin, do not say before the Messenger that it was a mistake. Why should God be angry at your voice and destroy the work of your hands?
9- Akhutkhamna dompih ding hi:
Paikhiatna 17:12- Ahih hangin Moses akhut kham hi, tua ahihciangin amaute in suangtum khat la in, ama nuai ah koih uha, tuatungah amah tu a, Aaron leh Hur in apang tuak panin ama khutte len uh hi( But Moses hands grew weary, so they took a stone and put it under him, and he sat on it, while Aaron and Hur held up his hands, one on oneside, and the other on the other side. So his hands were steady until the going down of the sun-ESV).
10-Su Khalo ding hi:
1Khang 16:22- Ka sathau nilhte lawngkha kei un, ka kamsangte tungah siatna bawl kei un( Touch not my anointed ones, do my prophets no harm-ESV).
Pasian nasemte a itlo kuamah omlo hi, ahizongin Pasian kammal Laisiangtho tungtawn a,amaute tungah sepding thu te agenbek ihihi. Tutung pen Pasian nasemte pahtawi ni ahih manin hithu agelh khia bek ihihi. Pawlpi mite thupitna leh manphatna te zong tempi omdinga, Pasian nasemte kisapna zong tampi omding hi. Rev. Dr. Pau Khan Khai