Critical thinking & Criticism ~ Pau Khat Suan
Zomite’n “Critical thinking” leh “Criticism” i khen theih ding kisam mahmah. Hih tegel i khen theihloh man in thu kigen khempeuh ei’ ngaihsutdan, ei’ sandan, ei tawh kibang lo peuhmah ong langpan, makai langpang, minam langpang cihbang in ciamteh pahpah hi hang.
Ngaihsunsun keeisam napi hang, i ngaihsutnate ah etcian na, pros and cons saikakna tawm lua in, selfishness tung a kinga deihkaih khuaigip meek tamzaw ahihman in, “critical thinking” thanem hang a, tua in “criticism” ong thuaklah sak, ong pualah sak hi.
Criticism pen a zangsiamte ading in lamlak meivakpi tawh a kibat hun tam mahmah in, khatveivei kenbaang a tuakkhia theiding mawtaw a khawlsak brake tawh zong kibang thei hi. A zang theilo, a sang siamlote ading in ahih leh khetbuukpi tawh kibang thei a, lung-amsak, lung-hamsak in, hehna thangpaihna, natna thamlo pukna nangawn piangsak thei hi.
Critical thinking a thahatte in critism zatsiam pah a, criticism a thuaklah phadeuhte ahih leh critical thinking a thanemte hipah hi.
A kilamdanna a kician in enpha dih ni.
Critical thinking is often confused with criticism, yet criticism is a concept that intersects with critical thinking. It does not tell the whole story.
– Criticism is about finding fault with something. Critical thinking is about judgement, which can include finding faults and flaws, but has more emphasis on questioning and analysis.
– Criticism is often directed at a person. Critical thinking should always be directed towards the argument (or produced work, or concept).
– Criticism is sometimes driven by emotion. Critical thinking analyses emotion as part of the overall process.
More: Na ngaihsutna in Zogam kikhel sakzo dinghi
Tua ahihman in “Critical thinking” kisin in hanciam ni. A diakdiak in mipi a makaih upate leh kipawlna, pawlpi, party, politics a makaite critical thinking a thahat ding kisam phadeuh hi. Pau Khat Suan
Comment piaknop aomleh...