Malaysia, JB datsisai ah aki dawtlumpa vaitawh mi 2 kimankhin

Malaysia, JB datsisai ah aki dawtlumpa vaitawh mi 2 kimankhin

Malaysia, Johor Baru datsi zuakna khatah nung Sunday nitaklam in pasal khat ki dawtlum a, tua akidawtlup laitak leh mawtawh tawh nihveitak ataihlupna Video zong Social Media ah ki thehzak in, mulkimhuai cikziat huai mahmah hi.

Tua adawtlum leh mawtaw tawh ataih migilo 4 tepen ami kuahiam cihpen kitheikhin hi ci’n Johor police chief Comm Datuk Mohd Khalil Kader Mohd in zanhal in Statement ah genkhiakhin hi. Ahi zongin tua athat mi 4 te kimankhiazo nailo a, tuate tawh akizom mi 2 kiman cih tuni in ki zakbeh hi.

Tua mithat vaitawh akiman pen numei khatleh pasal khat ahihi. Johor police chief Comm Datuk Mohd Khalil Kader Mohd in agenna ah tua mi 2 tepen Special Task Force Team te’n amatkhiat uh hi a, mithatvai tawh kizopna om ahih manin akiman cihi.

Tua mi 2 tepen kum 19 leh kum 22 aphakhin hi uh a, Wednesday zingsanglam 2:30am hunin akiman cihi. Tuate tungtawn in mithat taktak te ki zonbehlaiding cih hiphot hi.

Tua thahlup athuakpa ii azi zong zanni in Buddhist Monk 2 tawh apasal aki thahlupna aphualzang “Crime Scene” ah thungen in vapai a, khuasung mipi te’n lamdang samahmah uhhi.

Video: Wife of slain man prays for him at crime scene

https://www.youtube.com/watch?v=r8g3vYhvkgI

Tua asipa ii azi pen Vietnamese gammi hi a, Petral Station ah apailaitak in amai amukteng Mask tawh tuamcip in, alawmte numei khatinzong agei ah zuikawikawi hi.

Zanni Tuesday nitaklam 5pm hunpawl in Buddhist Monk 2 tawh apai uh hi a, Police te’n noptak in Prayer abawltheih nadingin Crime Scene muntengpen umcihsak uhhi.

More: Canada ah pasal khatin temta tawh amuhpeuh dawtgawp in mi 5 liam

Azi pen alawmpa aki dawtlup, mawtaw tawh aki taihlupna aphual tektek ah khukdinsuk in kap ngeungeu hi. Prayer abawl hunpen Minute 15 sungkhawng ziakai a, amanphet in avek un paikhiakik vingveng uhhi. Amukha khempeuh in lamdangsa in Mobile Phone tawh Video zaih, Photo zaih ngeingai uh cih kiza hi. Sawltak #zomidaily