Jan. 29, 2017: Gambia President thak Adama Barrow in a gam uh nasia takin puahphat sawm a, intelligence agency pen thuman lo lua in mi tampi pimang in gawt uh hi ci-in National Intelligence Agency (NIA) a min laih ding hi a cih banah Gambia official min panin Islamic cih nulmang (phiat) hi. Burrow in a gam uh nin phual pan leh a tukna panin phong kik in lam pha kik ding hi’ng ci hi. Gambia gam pen Yahya Jammeh in kum 22 sung na uk a, nung nipini in taimang hi.
Barrow in zan in news reporter-te kiangah NIA pen a min laih kul a, training lim takin piak phat ding kisam hi ci hi. Jammeh in a uk hun lai-in a kiman a thong a kikhumte khentuam om lo-a thukhenna (rule of the law) tawh thukhen ding kisam hi na ci hi.
Barrow in 2015 in Jammeh in Gambia official min dingin “Islamic” a koih pen kiphiat ta hi ci-in pulak hi. Gambia gam pen 90% Muslim hi a, adangte pen Christian leh animist kici biakna zui uh ahih manin Gambia pen “Islamic republic” gam hilo hi ci-in Burrow in gen hi.
Gambia gam kum 22 sung a uk Jammeh in Gambia sum $11 million a taimangpih banah luxury cars a hun khop taimangpih in Equatorial Guinea gamah tai hi. Barrow in first cabinet a sehte lakah Vice President Fatoumata Jallow-Tambajang kihel a, upa lua ta hi cih hangin thubuai om hi. Gambia galkap phuahphat ding a gen hangin tu lianin West African galkapte Gambia a 4,000 omna thu a kidot ciangin Burrow in West African galkapte pen Gambia humbit dinga om uh hi ci-in dawng hi.
Related: Zogam khuapi Tedim gamhuam ah gilsan vei tam ~ Zingsol
West African galkapte kiciah kiksak nai lo ding hi ci-in gen beh hi. Gambia pen British ten a gamkeek lai un a lak uh hi a, British colony ci-in sawtpi tak na om a, gam neucik khat ahi hi. Gambia pen Democracy deihna bangin mipi tamza deihna tawh kumpi a kiteel a kilaih kik masakna pen hi lai hi.
Source: Al Jazeera and news agencies/ Thang Khan Lian
Comment piaknop aomleh...