Malaysia gamsung ah palik pawlkhat vankhamzuak “Drug trafficking syndicates” tetawh kipawl in, tuabek thamlo gitloh gamtatna “Crime” khatpeuh aom ciangin manlo in, aselcippih palik pawlkhat om cihi.
Tuabang in agamta palik te “Ops Kabaddi” cih thulu tawh Malaysia gambup ah aki kankhiat ciangin tuciangciang Police Officer mi 21 kiman khinta cih Bernama in genkhia hi.
Deputy inspector-general of police Noor Rashid Ibrahim in zanni Saturday ni in agenkhiatna ah tuciangciang palik 21 kimankhin in, tuate pen “Security Offences (Special Measures) Act 2012 (Sosma)” thukhun tawh akiman ahihi ci’n genkhia hi.
“Ops Kabaddi” pen tukha kipatcillam in aki pankhiapan hi a, khakhatzong cingnailo in Police Officer mi 21 kimanpah hi.
Hihtengbek thamlo adangzong tampi omlai thamding in ki ummawh ahih manin, palik asemte sungah thukanna kinei toto laiding cihi.
Bukit Aman Narcotics Department panin akiman pawlkhatbang Senior Officer sungpan hi uh a, vankhamzuak “Drug trafficking syndicates” te amankhiatding sangsik in tua vankhamzuak te panpih in hutbawlzaw uh cihi.
Malacca aom Malaysian Anti-Corruption Commission te’nzong Police Officer mi 7 kimankhia ci a, Detention Center ah kikoihphot in thudotna kineiding cihi.
Police Officers tepen golhguk nekna “Bribe” aomloh theihtheih nadingin munkhat ah sawtveipi kikoihlo in, khuakhat panin adang khuakhat ah kituahsak zelzel cihi.
Related: Malaysia golhgukne akiman te lakah Police 3 kihel ~ ZD
Pawlkhat panmun tepen golhguknek tawh puktheih nadingin baihmahmah ahih manin, cihtakna leh thumanna neihding ki hanciam mahmah hi. Tuabang in golhguk nekna leh huaihamna pan akidal zoding in ki hanciamden hi ci’n thukan makaipipa in genkhia hi.
Comment piaknop aomleh...