Henry Van Thio Tedim ah hongpaina atomin pulakna ~ Tedim Times

~ 3 Feb. 2017 ni nitak 4 :00 satkhit ciang in Vice President 2 leh a pawlte Tedim Galkap len ah hongtung uh aa TBC ( Tedim Baptist Convention ) – General Secretary Rev. Vungh Suan Mung in thungetsak na hong nei hi.

~ Thungetsak na a man ciang in Vice President2 in a dawnte Bansah ( notset ) kawikawi in tua laitak mah in Zolam leh Zola tawh kidawn kawikawi hi.

~ Tedim khuasung lam hong manawh in Sakollam Tuiphum Biakinn mai, Zo Lengthe naitau pi gei leh Zato ah zong kidawn hi.

~ Nitak khuamial kim pawl in Kamhau Hall ah kimuh khopna om in Vice President 2 in thugen na tawm hong nei aa hi. Tedim AD Pu Go Suan Khai in Tedim Township tawh kisai thu pulak na hong nei hi. Tua khitciang in Pu Kam Lian Thang @ Sia Thangpi in Tedim Khua nu/pa tang in thusun na hong nei hi.

Tuate in

1. Tedim DC

2.. Kalay leh Tedim kikal lampi

3. Maha dataa line ( mei )

4:. Khaikam ah Zato leh Department khan beh dinh

5. Kalay leh Tedim lampelh dang khat

6. Tedim aa om စက္​မူ sang GTS pan GTI

a thusung a tom in hih teng a hihi. A mau Minister tek in hongdawng kik aa

1. Tedim aa စက္​မူ sang pen GTS pen GTI aa ding pen hong kikip sak pah hi.

2. Kalay leh Tedim Lampi zong hong kipuahsak ding aa Lei kisamte lei kidawh ding hi.

3.Khaikam town ah zong Zato honding vai pen leh kumpi department khan ding vai pen Zato khat hongding zong genpah hi.

4. မဟာဓာတ္​အားလိုင္​း pen 2017 -2018 ah hong kihanciamsak ding hi.

5.Kalay leh Tedim lampelh dang khat bel dawn na kician om nailo hi.

6.Tedim DC vaipen ဒု ျပည္​ထဲ​ေရး ဝန္​ႀကီး in zong natawsawn nung ci in Chin State – CM Pu Lian Luai in Matupi leh Paletwa DC vai honggen in tua khitciang Tedim in DC hong ngah leh Ko Falam bek omding cih hong gen bialbual aa ngak lai leh hanciam toh laiding suak hi.

~ Tedim aa ding a hi zong in Tedim khua kiim pawlkhat aa ding in Letsong pawlkhat zong pia hi.

~ Kimuhkhop na ah Kamhau hall kidim aa Vice President in a thukhup na ah Kumpi Budget -te manpha tak in nazang siam un ci hi. Vice President 2 leh a nungzuite hong paikhia in mipi kiding dimdiam aa a mau pusuak khitciang in vainei nawn loteng inn lam ciat ah kizuan hi.

4/2/2017 ni in Vice President 2 leh a pawlte Tuithang leithak leh Siangsawn khua ah vaipai uh hi.
Tedim Times tanute
Photo :- CSMung