September 20/ 2016
Iraq galkap te’n Iraq gam-a khuapi golpen nihna leh namgimtui (oil) khukpi omna ahi,ISIS te’n kum nih sung a ukna uh Mosul khuapi bup lakna dingin Mosul leilu lam-a om Sherqat ah zan zingsang nai 5:30 (0230 GMT) in operation panta uh hi ci’n Joint Operations Command spokesman Yahya Rasool in AFP News Agency-te kiangah pulakkhia hi.
Sherqat pen Tigris Lui leitaw lam 100 km gamla a om hi a, hih mun ah galdona a kipatna hangin mi 100,000 val, hih khuapi sungah awkcip uh hi. Iraq galkap te’n Mosul province bup tu kum sungin laksawm uh hi. Iraq galkapte leh galdo dinga kipia khia ‘militias’ kici te’n Sherqat khua umcihta uh hi.
Joint Operations Command spokesman Yahya Rasool in Mosul lakna dingin Sherqat lakding kisam masa a, Sherqat lak lohin Mosul kila zolo dinghi naci hi. Paramilitary spokesman Ahmed al-Assadi in terrorist gangster kici khempeuh hawlkhiatding ngimna tawh Shelqat lak masakding kihanciam hi ci’n na pulakkhia hi.
Hih khua lakna dingin Iraq galkap, Local police leh Sunni tribal fighters kici te’n nahuh uh a, lei lampan khuata nga tu ni-in lakhinzo ta uh a, sun hun in Sherqat panin km 13 ah khawlcip in mawinawt zonawnlo uhhi ci’n AP News Agency te’n taangkokhia uh hi.
Iraq galkap te’nzongh Anbar province nitumnalam lakding hanciam uhhi ci’n Prime Minister Haidar al-Abadi in New York khuapi a UN khawmpi ah, a kihelna panin televised message tawh na genkhia hi. AL JAZEERA AND AGENCIES
Thang Khan Lian
Comment piaknop aomleh...