Jesu bek hi

Leitung i nuntakna ah lungnop hun a om zel mah bangin i lungkham hun ong tungzel hi. Tha hat i kisak hun a om mah bangin thanem i kisak hun zong om veve hi. Manlang i kisak mahmah hun a omsam hangin manlang theilo a i ziakai mahmah hun om thei hi. Pil mahmah i kisak hun a om sang hangin hai i kisak hun om thei hi. Nuamsa in i omlai hong ki-it sam hangin zawngkhal in i om ciang kuaman hong deih lo in hong taisan khin uh hi. I thahat laitakin hong kibel ngeingei in, i thanem ciang hong kitaisan mang khin hi. A hizongin nang hong taisanlo hong nusialo khat om hi cih phawk gige in.

Leitung mihingte tung ah lungnopna ding i zon hangin tomno sungbek hilel a, tawntung lungnopna hongpia thei Jesu bek hi. Simmawh bawlsiatnate thuakin i om ciang hong taisanlo hong nusialo in Jesu bek hi. Nek ding neilo i omciang miten hong taisan khin zongin hong nusialo hong taisanlo in Jesu bek hi. Lamet bei cihna ding theilo in i om laitak nangawn hong nusialo in Jesu bek hi.

Sanggam aw dahna kahna lungkhamna na tuah ciangin mite hehnep ding ngaak ken khial kha ding hiteh ki hehnem zolo ding hiteh. Bang mah neilo, simmawh bawlsiat nasuanno tuak ciang midangte huh ding lamen kha kei-in ong ki huh kei leh na khasia kha ding hi. Lungkhamna, lungkiatna, thanemna, kahna dahnate na tuak ciang Leitung mite tungah lamen ken tomno sung bek hi ding a, cik mah huna ong nusia ngeilo hong taisan ngeilo Jesu lawmin lecin na lamet na muan ngam na zahzah aman ong sik ding hi.

Zomi ka hi hi.

Suanno
Malaysia
HP:017-6402338
http://zamsuanlangh.blogspot.com/

Nothing is impossible