Malaysia, Kedah kumpipa si ahih manin, ni 7 sung Public Holiday in kiciamteh

Malaysia, Kedah kumpipa si ahih manin, ni 7 sung Public Holiday in kiciamteh

Malaysia, Kedah State sungah akumpipa uh simawk ahih manin, ni 7 sung zumkhak hun “Public Holidays” dingin ki tangko cih theStar pan kiza hi. Sultan Tuanku Abdul Halim Mu’adzam Shah pen tuni Monday nitaklam 2:30pm in hong nusia hi a, kum 89 aphakhin khat ahihi.

Tuanku Abdul Halim pen 28 November 1927 kum in asuak hi a, apa asihkhit ciangin 14 July 1958 kumin Kedah State sungah “Throne of Kedah” kumpisep akipan ahihi. 20 February 1959 ni in “Sultan of Kedah” kumpiza kipia hi.

Tuanku Abdul Halim pen azimasa Tuanku Hajah Bahiyah Tuanku Abdul Rahman tawh 10 March 1956 in kiteeng uh a, tanu Princess thum nei uhhi. Atanu tepen Tunku Soraya, Tunku Sarina, Tunku Puteri Intan Safinaz ahihi.

Video: Sultan of Kedah passes away

https://www.youtube.com/watch?v=Y5iqus06RA4

Kedah State thunei te’n akumpipa uh asihpen dahmahmah uh a, ni 7 sungtak dahna kahna tauna hunding in Public Holiday zumkhakni ci’n atangkokhia uh ahihi. Tuaban ah Monday ni akipan Kedah State sung aom dialkhai “Flag” akikhai khempeuh dahna lahna in khuam alangciang bekah ni 3 sung kikhaiding cihi.

Related: Johor ah suisaikhat damiah kitaih in Security asempa thautawh akhe kikap

Tua Public Holiday in aki ciapteh hunsung in Kedah State sungah gualnopna pawi bangmah bawlkhuan kipialoding cihi. Kedah State sung aomkha te Public Holiday ni 7 sung angahpakding suakziau uhhi. Sawltak #zomidaily