Khuado Pawi leh ZIOK makai panmun kiteelna
Itleh ngaih,
ZIOK huam sung a om Zomi khempeuh,damkim tek dingin hong lamen ing.Zomi ngeina lak ah kumsim in ie bawldet a hi Khuado pawipi pen hong tung ding kigin ni in a nuai a hun leh mun bang in ki bawlding hi.Khuado pawi leh ZIOK panmun kitelna hun tomno khat tawh ki bawl khawm ding a hih man in ie vekpi khuazaang in kizawn ciat in pai khawm ni cih hong taangko nuam ung.
Ani : October 11,2014
Ahun: 7:00 PM pan 9:30 PM
Amun: Marriott Hotel
1902 E 71st Street
Tulsa OK 74136
ZIOK vaipuakzia pawl khat zong kilaihto a hih manin kitelna zong hong thupi mahmah ding hi.
zinmangpi ding in Kawlgam pan ZCD Secretary Pu Gin Kam Lian zong aei tawh hun hongpia a hih man in lungdam mahmah leh lawp mahmah hang.
Zomi leh United Nation thu zong ZIUSA President Pu Taang Go Sawm Khup in zong thugen na hong nei ding hi
Kawlgam pan lasiam minthang Idol Niangpi leh Khuppi te zong hong kihel theiding uh a hih manin pawi hong nuam mahmah ding hi.
Hun tawp na ah letsong hawmna zong om ding hi. a ticket pen tutung lei kul lo, a khawnkhawng in pawi nong lut phet un kongbiang pan hong kipiapah ding hi. Electronic vangil tuamtuam hong hi ding hi.
Lungdam, Khuado pawipi ah kimu kik ni,
ZIOK Boards teng tang in
Pa Cin Sian Mang ( Mangsen, Hornbill )
Note: Zomi Innkuan Oklahoma Khuado Pawi pen October kha ie kalnihna Kiginni ( Saturday ) ni sim in kumsim kibawl den tading hi.
Comment piaknop aomleh...