KLIA2 sungah Kim Jong Nam suamlupna vaitawh akiman numei nihte banah, North Korea gammi pasal khatzong kiman hi. Ahi zongin tua pasalpa pen thu bawltheih nadingin pansan kician, Evidence kician omlo ahih manin Friday ni in kikhah kikding a, agamah kipuakding cih theStar pan kiza hi.
Tua North Korea gammi muanmawh Suspect in akimanpa minpen Ri Jong-chol kicipa hi a, kum 47 aphakhin khat ahihi. Athu kiciannailo ahih manin Police te’n Remand tawh akep uh hi a, Remand nihvei akipiakpen ahun beita ahih manin aki khahkhiading hi ci’n Attorney-General Tan Sri Mohamed Apandi Ali in genkhia hi.
Ri Jong-chol pen thu kibawllo dinghi. Banghanghiam cihleh amah thu bawltheih nading, thong khiattheih nadingin pansan kician, Evidence kician omlo hi. Tuaban ah hihpa in Valid Documents akician neilo ahih manin, agamah kipuakding, Deportation kibawlding hi ci’n zanni in genkhia hi.
North Korean Embassy Counsellor Kim Yu-song zong zanni in Sepang Police Headquarters ah vahawh a, Minute 40 sungah palik tetawh kihona nei uhhi. Palik tetawh Ri Jong-chol khahkhiat theihnading vaimah akikum hiding in ki ummawh hi.
Nitaklam 5:35pm hunpawl in Sepang Police Headquarters ah atung hi a, Ri Jong-chol khahkhiattheih nadingin akisam Documents te apuak hiding kici hi.
Deputy Inspector-General of Police Tan Sri Noor Rashid Ibrahim inzong Ri Jong-chol pen thu kibawlloding cih palik te kiangah hongki zasak ci’n genkhia hi.
Ahi zongin palik te khutsung panin aki khahkhiat khitphet in Immigration Act tawh kisaiding a, amanlang in agamah ki puakkhia dinghi ci’n genkhia hi. Tua ahih manin Police Department panin Immigration Department ah ki puakding cihi.
Kim Jong Nam kithahna vai ah muanmawh Suspects mi 4 pen Malaysia gampan in taikhiakhin uh a, North Korea gamah ciahkhin uh kici hi. Tua aciahkhiakhin Suspects 4 tetawh hihpa pen kizopna omdingin kigen himahleh Malaysian Police te’n mattheih nadingin Evidence kician mukhiazolo uh cihi.
North Korea gamah aciahkhia khin Suspects 4 tepen Rhi Ji-hyon, 33, Hong Song-hac, 34, O Jong-gil, 55, Ri Jae-nam, 57 cihteng ahi uhhi.
Hih mi 4 tepen Malaysia gamsung ah atuamtek in ahun ani kibanglo in alut uh hi a, February 13 ni in Kim Jong Nam aki suamlupkhit ciangin hih mi 4 te Malaysia panin Jakarta lamzuanin ciahkhia uhhi.
Tua mi 4 te lakah khatpa pen hih kisuamlupna vai ah amakaipi hiding in kigen hi.
Ri Jong-chol pen Jalan Kuchai Lama aom Condominium panin February 17 ni in aki mankhia hi a, tunidong Remand tawh Malaysian Police te’n akepcip uh ahihi.
Hihpa pen 2000 kumin North Korea gam aom University pan Science leh Medicine tawh Degree ngah a, tuakhit ciangin India, Kolkata ahzong 2011 kumdong Research Center khatah semngei kici hi. ZD Sawltak #zomidaily
Comment piaknop aomleh...