Malaysia, Kuala Lumpur khuasung ah suaikhi asuhsawm guta khat taimanlo in agei aom mipi te’n nabuak huan uh cih theSun pan kiza hi. Kuala Lumpur khuasung Jalan Hang Lekiu ah zanni Tuesday nitaklam in thupiang ahihi.
Guta pa’n Indian Tourist khat ii a ngawng ah a awh suaikhi, khamkhi “Gold Chain” pen asuh khiatsawm cihi.
Kum 21 aphakhin India gampan in Malaysia ahawh Tourist khatin nitaklam 4pm hunpawl in lamzikpi akantan laitak in Motorcycle tawh guta pa’n nehphei in asuaikhi suhkhiatsawm hi.
Ahi zongin suaikhi aneipa’n limtak in nalencip bikbek ahih manin, gutapa’n sukhia zolo hi. Tuaciang in Motorcycle tawh deihtak hatsak in ataikhiatsawm ciangin lamzikpi kikal adalna Road Divider taihkha in tuksuk hi.
Tuaciang in gutapa khetawh taisawm veve a, ahi zongin ageinai aom mipi te nazandelhpah uh a, vuakthuaksak dikdek uhhi. Khuasung mipi te’n lungkim takin avuakkhit uhciang in Police te khutsung ah ki ap pan cihi.
Dang Wangi police chief ACP Mohd Sukri Kaman in agenna ah hihpa pen abeisa inzong 6 veibang gitloh gamtatna “Criminal Records” anei ngei khinsa khat cihi.
Video etnopleh: Angry mob thrashes fallen snatch thief
https://www.youtube.com/watch?v=z_u21FPNwfo
Mipi te’n vuak athuak laitak in Video kizaihkha a, Social Media tungah kithehthangpah zihziah hi. Hihbang in migilo, guta damiah te’n thuak zelzel le uh adangte zong hong piltuam in hong piangthak tuamding uhhi 🙂 ZD Sawltak #zomidaily
Comment piaknop aomleh...