US ah kum 10 aphapan sangnaupang numeikhat simmawhbawlna thuaklah in ki guiawk

US ah kum 10 aphapan sangnaupang numeikhat simmawhbawlna thuaklah in ki guiawk

USA, Colorado State sung aom numeino kum 10 bekbek aphapan khat amahleh amah ki guiawk “Suicide” cimawk hi. Anu apa te genkhiatna ah atanu uh aki simmawh bawlsiatna Video khat Online ah aki khahkhiatzawh asawtlo in aki guiawk ahihi ci’n genkhia uhhi.

Tua numeino ii aminpen Ashawnty Davis kici a, Colorado State, Aurora khuasung aom Sunrise Elementary School akicihna sanginn ah sang akah ahihi.

Anu apa te genna ah atanu uhpen agol ciangin Basketbawl kimawl lamsang ah aminthang WNBA Star asuaknuam khat hi a, ahi zongin alunggulhna asunmang “Dream” pen atangtunglo suakta hi ci’n genkhia hi. (WNBA = Women’s National Basketball Association)

Numeino ii apa Anthony Davis in KDVR News te tungah agenkhiatna ah atanu pen October khabei in sanginn huangsung “School Property” sungah alawmte tawh kitawng uh cihi. Tua akitot laitak pen sangnaupang khatin Video zaihin, tua Video pen Musical.ly kici App tungtawn in ki khahkhia cihi. Atanu pen mitawh akitawngngei hilo a, tua akitot pen akitotcilna “First ever fight” hi ci’n apa in genbeh hi.

Tua Video sungah atanu pen numeidang khattawh kitawng in kilai, kibuan uh a, tua Fighting laitak in naupang honkhat in enngeingai uh cihi.

Numeino ii anu ahi Latoshia Harri in agenna ah atanu pen tua numeinu in simmawhbawl “Bullying” ahih manin, atanu inzong tuanu tungah lungkimlo in akitawng uhhi ci’n genkhia hi.

Tua akitot, akibuanna uh Video pen Online tungah aki khahkhiat ciangin ka tanu un thuakzo mahmahlo, thuak hamsa samahmah semsem hi ci’n anu apa te’n genkhia uhhi.

Video: Horrible: 10-Year-Old Takes Her Own Life After Bullying Incident Caught On Camera!

https://www.youtube.com/watch?v=S-hTmnCj_N4

Tuazawh asawtlo kalnih khitciang in ka tanu uhpen puankoihna Closet sungah amahleh amah khautawh akikhai, aki guiawk ahihi ci’n apa in genkhia hi.

Tuaciang in sipahlo a, Children’s Hospital Colorado ah kalnihsung Life Support tawh kikem hi. Tuakhit ciangin nung Wednesday ni in asi ahihi.

More: Naupang kum 8 khat anu in tawng ahih manin inntungpan tuakin si

Kum 10 bekbek aphapan ahi hih numeino in aki simmawhna thuaklah in amahleh amah aki guiawk pen ki khasiatpih mahmah a, Sunrise Elementary School leh Cherry Creek School District sungteng aom te adingin khasiatna leh supna lianpi “a heartbreaking loss” ahihi. Ka sanginn uhah ki simmawhna “Bully” khatpeuhpeuh pen ki mawkkoihkhong loding hi. Akisam bangin thu kibawlding hi ci’n Dictrict thunei te’n genkhia uhhi. Sawltak #zomidaily