Lasiam Tua Tuang ii thugenna leh lasakna ~ Hong Maisak in Topa

Lasiam Tua Tuang ii thugenna leh lasakna ~ Hong Maisak in Topa

Lasiam Tua Tuang leh Peter Lianpi te in hong nutsiatvat uh akizak ciangin leitung muntuamtuam gamtuamtuam aom Zomi te’n ki dahpih mahmah, ki khasiatpih mahmah ciat hi.

Amah phawkna in ama lasak te leh ama thugenna te ki ngaingai kha a, tuate lakpan lungsim hongla mahmahkhat ah…

Lasiam Tua Tuang ii a thugen tomnokhat:

“Paikhialeng lauhuai peuhmah aive maw,
Mawtaw te peuhmah hatlua thaltang abang ziahziah
Tuabang ihcihciang innah Pasian in ih nuntakna
honglakding ki gentheilo, tuni maw??? zingciang maw???”

Far East Mission Church ah 2014 kum a lasakna ngaikik dihni.

Hong maisak in Topa ~ Tua Tuang {Laphuak Zogam Lalpu}

https://www.youtube.com/watch?v=irnS2Z2Sj_8

Sia Tua Tuang phawkna lianpi tawh,

Zomi 2 in US ah mawtaw Accident tawh hongnusia: Lasiam Tua Tuang leh Peter

US gamsung Oregon State, Portland Highway 213 lamzikpi tungah 28 July Thursday ni sunlam in Accident piang a, mi 2 si in adangzong mi tampiliam cih KOIN News pan kiza hi.

Tua asi mi 2 tepen midang nahi peuhmahlo Zogam Lalpu tapa lasiam minthang Tua Tuang (Stephen Vocal Band) leh Portland aom Peter Kham Lian Zam te nahimawk uhhi.

Accident pianna munah Life Flight, Monitor Fire, Mt. Angel Fire, Woodburn Ambulance, Molalla Fire te buaimahmah uh a, Highway 213 zong khakcip phot uh cihi.

Hih Accident apianna ahangzong thunei te’n kancianding uh cihciang kizaphot hi.

Hihvai tawh kisai Facebook tungpan in Magaret Mary Dimnu LP tawh kaki thuzakna uh ah,

Tua Tuang, azi leh a tanu tawh a innkuan un Peter tawh mawtaw khat ah atuangkhawm uh ahihi. Tua Tuang leh Peter pen hong sihsan uh a, Tua Tuang lawmnu Huaipi pen apheiguh tegel leh aveilam khut kitan ahih manin zato ah siavuan te’n abawlsan laitak cihi. Ata bel bangmah cingawh luakhollo bilbel hihtuak hi.

Ko Peter zong azi in nusia khin a, atate 3 tawh Portland ah aom cihciang kiza phot hi.

A nusiat a innkuanpihte tuak uhtawh akibangin Zomi Daily Media pan dahpihna kong pulak uhhi.

Anuai ah Tua Tuang leh Peter te hong nutsiatna vai video

https://www.youtube.com/watch?v=QW5U5fbalYs

Athu ala akician in ihtheihbeh bangbang ki zasaksawnni. ZD Sawltak #zomidaily