Malaysia gamsung ah naupang kum 10 aphapan sangnaupangno khat mangcip cihthu theSun pan kiza hi. Hih naupangno ii aminpen Noor Ayrill Aqasha hi a, October 31 ni akipan amangcip ahih manin Police te’n alimzonsan mahmah alaitak ahihi.
Hih naupangno akimuh nunungna munpen Cheras vengkuamsung Jalan Jejaka 9, Taman Maluri ah ahihi. Cheras district police chief khat ii genkhiatna ah hih naupang pen amangtakpi hi a, zanni in apa in palik zumah Report hongbawl ci’n genkhia hi.
Palik te tungah apa ii genkhiatna ah hih atano pen amahleh amah avak khiatheita (teitangta) hi a, avak hangin inn ah hongciahkik thei ahihi ci’n genkhia hi.
Anu inzong atapa aciahlop akipan Social Media tungtawn in huhna ngetna lai khahkhia ahih manin, Social Media muntampi ah atapa ii photo pen kizelgawp khinhi.
Hih naupangno tawh kisai atheikha, amukha te in anu Siti Rohaya tungah phone tawh 018-779 4879 ahih keileh Cheras district police headquarters ah hih phone 03-9284 2222 tawh hong zasak un ci’n ki tangko khia hi.
Nungsungteng Malaysia gamsung ah naupang mangcip kiza hiauhiau hi. Naupangnei nulehpa te’n ihtate ihvakkhiat pihciang in kidawm ni. ZD Sawltak #zomidaily
Comment piaknop aomleh...