Malaysia, Cheras vengsung ah Motorcycle 30 meikanggawp
Malaysia, Kuala Lumpur, Cheras vengsung aom Motorcycle Shop khat tuni Thursday sunlam in meikanggawp in, apuakkham ziahziahzong kiza cih theStar te’n genkhia hi. Sun annek hunpawl laitak hi a, agei ah amukha khatin agenna ah kazi tawh sun anne in ka omlaitak un aginngaih mahmah apuakkham kaza uh cihi.
Bangthu bangla piang hidinghiam ci’n a enkhia in kapai uhleh Motorcycle Shop geiteng ah meikuang pampam ka galmuh uh cihi.
Selangor Fire and Rescue Department te genkhiatna ah meikatna pen Taman Kasturi, Balakong aom Motorcycle Shop khatpan cihi. Tua Motorcycle Shop aomna innpen akigawm in dawl 3 “three-storey building” khat hi a, Ground Floor aom Motorcycle Shop panin meikuang akipan cihi.
Motorcycle Shop sung aom Vehicles teng meikuanggawp in puakkham phangphang cimawk hi. Meikuang huaisialua mahmah ahih manin, ageinai aom tezong lautek in ki hemkhia ngeingai uhhi.
Motorcycle Shop ii atunglian ahzong Tuition Center khat aom hi a, asungah sangnaupang honkhat aom uh ahihi. Naupang kum 3, kum 4 gualpawl zong honkhat om uh a, tuateng ki pataulua mahmah ahih manin amanlang in anuai ah ki kumpih ngeingai hi.
Motorcycle leh Car anei te’nzong amau neihsaciat meikatding patau in hemkhia in kiphu ngeingai uhhi. Ahunlap in ki hemkhiamantek ahih manin mihing asi aliam kuamah omlo cihi.
Video: Fire at Cheras motorcycle shop prompts evacuation
https://www.youtube.com/watch?v=aWP7t-Htt5g
Meikuang pen khauhmahmah ahih manin 50m bang agamlatna paninzong meisa lumhenhan cimawk hi.
Hih meikatna hangin High-powered bikes akici Motorcycle 30 bang siatlawh, meikanggawp cimawk hi.
Related: Britain gamsung ah Electric Car khat Charging akibawlna panin meikangtum
Firefighters te’n sun 1:25pm hunpawl in meikuang phelhsiangzo uh a, ahi zongin Motorcycle Shop omna Ground Floor teng avekpi in kangtumgawp hi.
Hih meikuang akipatna ahang leh asia teng bangzahbang manding cihte ki theician nailo cihi. Sawltak #zomidaily
Comment piaknop aomleh...