Malaysia ah numeikhat damiah kitaih in temtawh akisat laitak Video ki khahkhia

Malaysia ah numeikhat damiah kitaih in temtawh akisat laitak Video ki khahkhia

Malaysia gamsung ah numeikhat guta damiah te’n damiah taih uh a, temta tawh asatlaitak CCTV Footage ki khahkhia cih theStar pan kiza hi. Hih thupiang pen zanni Cheras, Taman Megah vengsung ah thupiang kici a, tua numeinu pen ama innsung ah alutsawm laitak in damiah te’n aneihsa asuhsak uh ahihi.

Hihvai tawh kisai in Kajang OCPD ACP Ahmad Dzaffir Mohd Yussof in agenkhiatna ah hih buaina pen zanni zingsanglam 2:49am hunpawl in thupiang hi ci’n genkhia hi.

Tua numeinu pen kum 63 aphakhin khat hi a, mawtaw tawh avak aciah hi in, ama innmailian ah damiah atuak ahihi. Innmai ah konghongding in apaisawm laitak in damaih te mi 3 in dawntuah uh a, aneihsa sumbawm asuhsak uh ahihi. Tua damaih mi 3 tepen Motorcycle 2 tawh hi uh a, asuhsak sumbawm sungah RM1000 bang omding kici hi.

Video: An unlucky woman who returned home from her dinner was robbed by two machete-wielding men at her car porch outside her house in Batu 9 Cheras, Selangor in the wee hours of Wednesday.

https://www.youtube.com/watch?v=-6GHWjtrVp4

Damiah khatpa in asumbawm asuhsak ciangin numeinu in piapaklo ahih manin, temtawi damiah khatpa in numeinu ii amai satsaksuk hi. Tua numeinu pen liamngawh mahmah a, ageinai aom Clinic khatah kipuak in, aliamma pen 16 veitak khulkul ciliang hi.

Hihbuaina pen damiah taihin liamsakna cih “Causing hurt during a robbery” thulu tawh thu kibawl in, Police thunei te’n azonsan, akanciansan laitak hi ci’n ACP Ahmad Dzarffir in genkhia hi.

Tua numeinu ii aminpen Tan Nam Moi kici a, atapa in agenkhiatna ah anu pen ki muhkhopna Gathering pawi khatah apai cihi. Aciah ciangin innmai ah mawtaw sungpanin apusuah phetin Motorcycle 2 tawh damiah te’n na dawntuah uhhi. Anu inzong kua nahi uhhiam ci’n adot khitphet in pasal khatpa in delhphei in asumbawm suhsaksawm hi. Tuaciang in anuzong patau in honghuh un ci’n a otgawpleh adang damiah khatpa in delhphei hi. Midang khatpeuh in ahuhding in adelhphei asakleh damiah te khatmah nahi a, tuapen in temtawh asatsuk sawnsawn ahihi ci’n atapa in genkhia hi.

More: Malaysia Uber Taxi tungah numei khat damiah tuak, van manpha teng kisut

Hih thupiang leh Video Clip tepen Malaysia gamsung Social Media tuamtuam ah kithehzakpah hi. Police te’nzong damiah te amukha, atheikha te’n amanlang in Police Hotline ah hong zasak un ci’n tangkokhia uhhi. Sawltak #zomidaily