Nausuakding Operation bawllaitak Doctors nih kitawnggawp dihdih

Nausuakding Operation bawllaitak Doctors nih kitawnggawp dihdih

India gamsung aom zato khatah nupi naupaai khat nausuakding in Operation Table tungah akisial laitak siavuan te nih kitawnggawp dihdih uhhi. Tua akitot laitak pen Video kizaihkha citciat in Social Media tungah kithehzak ahih manin, tua Doctors nihtezong nasepna panin ki khawlsakphot cih BBC pan kiza hi.

Hih thuthnag pen India, North Rajasthan aom Umaid Hospital ah thupiang kici a, tua zato panin Senior Hospital Official khatin agenkhiatna ah nausuak nupi leh naungek hoihtak suakthei in cidam uhhi ci’n BBC te tungah genkhia hi.

Bangci bangin hih Video Clip pen hongki thehzakkhia hiam cihpen akipatna kitheilo a, ahi zongin Umaid Hospital thunei te’n hih thupiang pen amau zato panin thupiang hi cihbel genkhia uhhi. (Operaton Theatre sungah Video akizaihsim ahih manin, Doctor ahih keileh Nurse khat ii zaihsim hikha theihi)

Hih Video pen Social Media tungah aki thehzak khitciang in thuthang tuamtuamzong ki genkhia a, naungek zong nungtalo hi ci’n kigen hi. Ahi zongin Umaid Hospital panin Superintendent asem ahi Dr. Ranjana Desai in agenkhiatna ah tua thuthang pen diklo hi.

Keizong hih Video ki thehzakpen kamuhkhit ciangin athu hoihtak in ka kancianpah a, Media tuamtuam te’n naungek pen sihi ci’n agelh uhzong kamu hi.

Video: Two doctors in India caught on camera arguing during surgery

https://www.youtube.com/watch?v=-IWbV0NPzcQ

Ataktak in tua naungek pen silo hi, Media te’n agelhkhial uhhi. Tua Video sungah akimu pen ii agei Room khatsung aom nupi khatzong nausuak in, tuapen asisa in suakkhia hi. Operation Room khatsung panin nausuak nupi 2 hi a, Video sungah adawklo pen ii ata pen asisa in suakkhia hi. Ahi zongin tua asisa in asuak “Stillborn baby” leh hih Video kikhahkhia, Doctors te kitot kinialna pen kizopkhakna omlo hi ci’n genkhia hi.

Video sungah Hindi kampau tawh akitawng Doctors te nihpen Ashok Nanival leh Mathura Lal Tak kici hi. Anih un anasep panin ki khawlsakphot a, abuaina thupen hoihtak ki kanphasakding cihi.

Related: Surgeon siavuan khatin alawmnu cina ki atna inndei sungah tumgawp

Tuaban ah hih Video pen bangci bangin kua in zaihsim in, Social Media tungah ki thehzak hiam cih kankhiattheih nadingin Hospital Staff khempeuh Statement kila hi ci’n Hospital Superintendent in genkhia hi. Sawltak #zomidaily