Penang Construction Site ah akivulhnelh misi luang 8 kimukhiata, Myanmar 3 kihel
Malaysia, Penang State sung aom Construction Site khat mencim in, lei in avulhnelhcip nasem misi luang 8 ki mukhiata cih theStar pan kiza hi. Tanjung Bungah aom Construction Site ah zanni Saturday ni in thupiang hi a, Search and Rescue (SAR) Team te’n aki vulhnelhcip mencimlak teng abanban in azonkhiat uh ahihi.
Operation Commander asem ahi Fire and Rescue Department assistant director-general (operation) Edwin Galan Teruki in agenkhiatna ah lei in avulhnelhcip amangcip nasem te lakah khatpa ii aphei pen tuni Sunday nitaklam 3:27 hunin SAR te’n muhkhiatbeh uhhi ci’n genkhia hi. Tuatawh akigawm in misi luang 8 aki muhkhiatna hita hi.
Hih akimukhia aluang giatna penzong aluang sagihna tawh aomna ki gamla lualo in leisung pan ki mukhia hi ci’n genkhia hi.
Aluanghawm pen siktawn vive akikoih, Iron Piles lakah akimu hi a, aluanghawm aki lakkhiattheih nadingin hun tampi beiding kici hi.
Tuciangciang misi akimukhia luang 8 phatota a, tuatepen Yunus Nazir Huson (Myanmar), Hossen Mia (Bangladesh), Muhammad Elyas Mustak (Myanmar), Hosrin (Indonesia), Erwin (Indonesia), Rahmatullah Mohd Sidiq (Myanmar), Md Nur Alam (Bangladesh) cihbangteng hi a, agiatna ii amin leh banggammi cihpen ki theician nailo cihi. Asi lakah Myanmar gammi zong mi 3 bang naki helsak uha, amin te ahihleh Bangladesh gamgidung ateeng te hileh kilawm hi.
Malaysia, Penang aom Construction khatah mencim in mi 3 si, adang tampi vulhnelhcip
Malaysia, Penang State sung aom Construction Site khat mencim in mi 3 asisa in kimukhin a, adang tampi mangciplai cih theStar leh NST pan kiza hi. Penang, George Town, Tanjung Bungah, Lengkok Lembah Permai sungah tuni Saturday (October 21) zingsanglam 8am hunpawl in mencim akipan cihi.
Mencimlak panin a awkcip te akizon ciangin misiluang te aki mukhia hi a, gamdangmi nasemte hiding in ki ummawh hi. Misiluang akimuhkhiat hunpen zingsang 9:55am leh 10:43am kikalpawl hiding ci uhhi.
Fire and Rescue Department panin Firefighter te, kumpi thunei te cihbang in aphual ah delhpah uh a, Construction mencim sungah a awkcip aomhiam ci’n zonsan uhhi ci’n Penang Island City Council (MBPP) mayor Datuk Maimunah Mohd Sharif in genkhia hi.
Construction Site mencim sungah nasemmi akigawm in 14 peuhmah awkcip, vulhnelhcip dingin ki ummawhlai cimawk hi. Tua ahih manin, hih Construction Site ah Search & Rescue Mission te’n amangcip te azonkhit mateng in bangmah sepvetlohding “Stop Work Order” zong kipiakhin cihi.
Hih Construction Site sungah mencim leitolh apianhun laitak pen khuahun bangmah siatna omlo ahih manin, banghangin hihcibang piangtheimawk hiam cihpen kumpi thunei te’n akanciansan laitak uh ahihi.
Video: Tanjung Bungah landslide: Third body recovered
https://www.youtube.com/watch?v=znzduuH8Soc
Fire and Rescue Department spokesman khatin agenkhiatna ah zingsang 9:10am hunpawl in aphual ah katun uhciang in mualbul aom Construction Site pen leitolh in na vukcipgawp hi ci’n genkhia hi. Aki patcil in mencim leitolh in nasem mi 15 vulhnelh ci’n hongki zasak cihi.
Related: Penang ah palik kineih pasal khatin Kawlgammi numei khat bawlsia
Hih buaina Incident apianlaitak ageinai panin amukha gamdangmi Foreign Worker khatin agenkhiatna ah keipen Crane hawl kahi a, thakhatthu in hongpiangvat hi. Leisung hong komsukvat in, leitolhpen manlang mahmah ahih manin, bangmahzong kihih, kisem manlo hi ci’n genkhia hi. Gamdangmi nasem “Foreign Worker” cihciangbek kigenphot a, bang gammi cih kipulak nailo hi. Myanmar gammi leh Zomi te akihel khaloding in lamen hang. Sawltak #zomidaily
Comment piaknop aomleh...