Southern Philippines gamsung ah tuzing Sunday (Mar 05) in zingling leuleu ahih manin mi 1 si in adangzong mi tampi liam cih AFP News pan kiza hi. Nungkhasung mahmah inzong hih munteng ah zinling in buaina te vengnailo himahleh tuzing in khatvei linbeh leuleu hi ci’n Local Authorities te’n genkhia hi.
Tuzingsang zinling pen Southern Philippines, Surigao City leh ageiteng hi a, zinling thahatna 5.9 Magnitude tawh aling ahihi.
Local Television pan aki genkhiatna ah hih zinlinna hangin numei khat Heart Attack tawh si a, tualo adangzong mi 29 bang liam uh cihi.
Nungkha sungin zinling pen ahatna 6.5 Magnitude tawh hi a, February 10 ni in aling ahihi. Tuahunlai inzong mi 8 in sihlawh a, adang mi 250 takin liamlawh hi.
Government Seismology Office pan agenkhiatna ah hih zinling ii Epicenter pen Suriagao City pualam hi a, nungkhasung in alingpen tawh kibang cihi.
Abeisa in ih genzelsa mahbangin Philippines gampen “Ring of Fire” kici tungah omkha citciat ahih manin, zinling pen kinawh mahmah hi.
Philippines gamsung ah abeisa 2013 kumsung in 7.1 Magnitude thahatna tawh zin linggawp a, mi 220 in sihlawh bekthamlo, tanglai biakinn “Historic Churches” honkhatzong siatlawhgawp hi. ZD Sawltak #zomidaily
Comment piaknop aomleh...