Philippines president Rodrigo Duterte pen tukalsung Wednesday panin Thursday nidong Malaysia hawhding cih theStar pan kiza hi. Malaysia Foreign Ministry te’n Statement akhahkhiatna ah Rodrigo Duterte in Philippines President panmun alak khitzawh Malaysia ah ahawhcilna hidinghi ci’n genkhia uhhi.
Rodrigo Duterte Malaysia ahawhsung in Prime Minister Datuk Seri Najib Tun Razak tawh kimuhkhopna neiding uh a, Malaysia gamleh Republic of the Philippines gamnih kikal kizopna te kamkupna neiding uhhi.
Hih gammakaipi nihte in gamsung leh gampua vaituamtuam leh amau muhzia te kikupkhopna zong neiding uh cihi.
Wisma Putra ii genkhiatna ah Rodrigo Duterte pen Prime Minister leh azi in nitak annekpihna Official Dinner zong neiding uh cihi.
Hih Rodrigo Duterte ii khualzinna hangin Malaysia leh Philippines gamnih kikal kizopna khauhsak semsemding in ki lamen hi.
Philippines president Rodrigo Duterte pen tukum June kha kipatlampawl akipan President panmun hongluahto hi a, ama President sepsung akipan agamsung ah guihtheih khamtheih azangte siansuahna neitopah ziahziah hi. ZD Sawltak #zomidaily
Comment piaknop aomleh...