Piangsak Pasian leh Piana Pasian

Piangsak Pasian leh Piana Pasian

Cimphawng kipuah kawm….
Vantung leh Leitung, Ni leh Kha/Aksi, Mihing leh Ganhing, Singkung leh Lopa, Huih leh Tui nakhem peuh a Piang sak Pasian a hihi, leitung ah mihing piancil na Pasian bawlsa mihing i hih sam hang” a nu’ng ciang in, mihing te hong Piang sak Pasian hi aa, Mihing te I Pian na, nang le kei Nu le Pa (Tun le Zua ) a hihi.

Piang sak Pa Pasian in leitung ah mihing ngah theih ding, hamphat na bucing, Pian na Pasian tung ah ama vangliat na thupha namkim na nguan khin zo a hihi, eg : cidam na thupha, khan sau na thupha, pilna thupha, hauh na thupha, nopsak na thupha, thupha a kici khem peuh Pian na Pasian tung ah kicing tak in na koih khin zo hi.

Nang le Kei , I Pian na Pasian kua himawk hiam… ka Nu leh ka Pa ,na Nu leh na Pa himawk lo ding hiam.. tua thupha te na Nu leh na Pa khut sung ah om khin zo hi, mi tampi tak te in, thupha ngah na mun, thupha san namun tel khial thei uh hi, tua thupha te Pang sak Pasian kiang ah gen2 nawn ken’ Pian na Pasian, na Nu leh na Pa kiang ah gen zaw in, hih thupha om na mun natel nak leh, Nu leh Pa kua in sim mawh bawl sia ngam ding hiam…kua in zah taak lo in om ngam mawk ding hiam…

Nang leh kei aa ding in leitung thupha a kicing in Pian na Pasian tung ah a bucing in om khin zo hi, mitam pitak te in, a deih thupha uh Piangsak Pasian bek in a pia thei ding sakha uh a hih man in, ta te in Nu leh Pa tung ah it na kiam tuam mah mah hi, a muan ngam na uh neu thei uh hi, a ngah sa uh thupha te Piang sak Pasian piak bek sakha uh a hih man un’ Pian na Pasian a phawk nawn lo mitam pitak ki om khin zo hi,Biak inn ah sumpi khiat tha hat mah mah napi’n Pian na Pasian a vaak zolo ki-om thei mawk hi, hih leitung ah mit aa muh theih/ na kilam et ngam zawh loh zah dong na san sa thupha na Nu leh Pa thupha a hih lam na phawk kha hiam…?

Leitung mihing ten mit aa i muh zawh loh, I lung sim in a ngaih sut zawh ban loh, na pumpi- in leitung a nusiat hun ciang in nakha in tawntung nuntaak na Piang sak Pasian kiang /vantung ngam na tun theih na ding bek lian hiveh aw, Pian na Pasian hong piak theih loh,,,… laisim mimal kim tung ah tel siam na leh kilam thak na Pian na Pasian thupha hong tung ta hen” kalung dam

Sawm Pau