South Korean President Kawlgam hawhding

South Korean President Kawlgam hawhding

South Korean President Park Geun-hye pen maikalsung ah Kawlgam, China leh Australia gamte hawhkawikawiding hi ci’n ama Senior Foreign Affairs Secretary in Sunday ni in genkhia hi. Hih akhualzinsung in Regional Summits tuamtuam kahkawikawiding a, gam makai tetawh ki muhkhopna neiding hi.

President Park Geun-hye pen amasa penin China, Beijing ah ni 4 sung zinmasading a, tuapen mai Sunday ni pan kipanding cihi. Hih hunsung in Asia-Pacific Economic Cooperation Forum kahding hi ci’n Ju Chul-ki in Press Briefing ah genkhia hi.

Beijing panin Kawlgam khuapi ahi Naypyidaw ah East Asia Summit kahding in zinleuleu dinghi.

Kawlgam ah ni 2 ataamkhit ciangin Australia gam Brisbane ah zinsuakding a, Economy Summit khat akahkhit ciangin South Korea ah ciahkikding cih kiza hi. ZD Sawltak