Syria leh Lebanon gampan Israel gam kikap

Palestinians president Abbas in Israelte pen Internatiional Criminal Court khia ding ci in a gen khiatciang Hamas te in thukimpih ung’ a cih uh hang, tu lianlaitak in bang mah khensatna nei kei ing ci in Abbas in gen hi. Lam khat ah ngaihsun leuleu in Egypt kumpi te tawh ki ho in, Israel te tawh thu kikumkik ding ci in gen khia hi. Ahih hang Netanyahu in bang mah dawng kik nailo hi. Israel galkap lam te gen na ah, leilam tawh Hamas te ado kik ding uh nai mahmah hi cihi. Ban- ki- moon in Netanyahu phone tawh ahopihna ah thu kikupkik ding thu hanthawn a, ahih hang Netanyahu in Hamas te in thukhunpen 11 vei palsat khin hi ci hi. Zani kikap na ah Hamas te in rocket tawh70 vei kap in Israelte in vanlengtawh 60 veikap hi.Israelte in Hamas te pen inn pen kidalna nei cihi. Hih ki do na hang in palestinians te 2090 val leh Israelte 68 si cihi.

Zani a Israelte kap nahang in Palestinians te mi 10 si in 22 liam hi. Hihbang kawm kal ah Syria pan Golan kikap in aliam asi leh a kisia bangmah omlo in, Lebanon pan kapna hangin bel Galilee nitumna aom inn pawlkhat kisia ci hi.Hih hangin pawlkhat in niguk galkisim lai bang inomkik khatam maw ci uhhi. Hih niguk galkikap lai in Israelte leh Arab gamte kido na hi in,Israelte in niguksung inzial man uhhi.Golan gampen Syriate kiang ngah in,Sinai gam ahi leh kilem na deihna tawh Egpytte kiang ah pia kik hi.

IS ihcih te pen sunni muslim te hi in, Syria gamah kumpi te tawhkido do te hi in Iraq ah zong om ahihi. Tua ahih man in Iraq ram hong sim uh tak ciang haksatna om hetlo in sunni te om nateng mah khua tampi lathei uhhi. Hih te gongtatna hang in Khristian te leh Yazidis te 1.2 m (awn) te inn le lo nusia in tai uhhi. Mitampi takte in bawlsiatna tuamtuam thuakna hang e an duhtui duh nahang in si uhhi.Aug.8, akipan in US te in vanlam tawh 90 val kap in, lei lam pan in Iraqi te Kurdish te ina dodo laitak ahihi. Sunni te biak inn khat Baghdad ah bomb puak om in mi 68 val si ci hi.

Holly Wood a kineih khemsiam minthangkhat ahi Brad Pitt pen zi nih leh thum nei hi in, Jennifer tawh kum sagih kiteng khit ciangin kikhen uhhi. Tua khit ciang Angelina Julie tawh kum sagih sung omkhawm (living together) in ta nih leh thum neih khit April khaciang kitengding ci in gelna kanei uhhi ci hi ( july 2012, sign of the time). Hihbang mah in gamthum na a ei mi pawlkhat ki om ci hi.Ih silh ihten leh agamtat nop na te in mi ban in, ih lungsim ahih leh miban lo hi cihi. Nung kum UN minsan lai in kawlgam pan hong pai Mara Pastor pa khat in zingbiakpiak na neihna ah ” ka lawm Pastor khat gam thum na om pa in, katanu pen kihilh zo nawnlo ” hi ci hi.

Pastor pawlkhat pen Pasian thu gen a hat mahmah hang atate thu hilh man loin, atate a utut in gamta omki ci hi. Jackie Chan in , tunung deuh atapa ganja tawh akimat ciang, ka zum mahmah hi, ka tapa thu hilhmanlo hing ci in mipi tekiang ah thum bawl hi. Israel te in atate nawi atep kawmmah in Pasian thukham hilhci hi. Samuel nu in Pasian kiang ah ta ngen in Pasian kiang mah ah ap pah hi. Samson nu le pa tein zong Pasian kiang ah atapa thu hilhdan ding dong ci hi. Mose in” Israeelt kiang ah natate innsung na lutuh ciang, lamna pai uh ciang, na lup uh ciang leh na thawh uh ciang hilh un ci hi ( Thu hilhkikna 6:7). Ref: jpost, bbc, afp.

Cin Ngaih

https://www.facebook.com/groups/ZomiDaily/permalink/960899813927191/