UNHCR vaihawmna tawh Thai pan in South Korea ah Wednesday ni in Myanmar Refugee mi 34 kipuak khinhi. Hihpen 2015 December khasung in South Korea leh Refugee Resettlement Program te ii vaihawmna tawh aki puakthei ahihlam IOM (International Organization for Migration) te genkhiatna tungtawn in kiza hi.
IOM Seoul te vaihawmna tawh South Korea ah Myanmar Refugee mi 34 hongtung uhhi ci’n IOM Seoul in Tweeter ah genkhia a, South Korea ii khuapi aom Incheon Airport ah alutlaitak photo zong khahkhia uhhi.
Thailand Camp panin hongki thawikhia hih Myanmar Refugee tepen Incheon leh Jeollanam-do khua aom South Korean immigration centers tetawh kikoihphot dinghi. Tuamun ah Koea kampau sinna leh Cultural Orientation CO Class tentan kahna te neisakphotding uh cihi.
United Nations Refugee Agency te genkhiatna ah South Korea pen 2013 kum akipan Refugee lakding thukim uh cihi. Asia gamsung ah Japan gampen Refugee ala masa “refugee resettlement state” hi a, tuazawh ah South Korea ahihi. NGO tuamtuam leh IOM tetawh mapangkhawm in hiciang asemzo uh ahihi.
2015 December khasung inzong South Korea ah Kawlgammi innkuan 4 natungkhin uh a, tuazawh kumkhatdektak khitciang in ahonpi in atunbehpan ahihi.
South Korea gamsung ah hih Refugee lakvaitawh kisai Pilot Project pen 2017 kumdong hiding a, tuakhit ciangin zopsuakding leh zopsuak lohding etphatna neiding uh cih kiza hi. ZD Sawltak #zomidaily
Comment piaknop aomleh...