Thuthak Tomkimcing 10 Aug 2014

A. Super Moon hang in nisawm sung antang leh meh leikhol.

Aug 10 pan in 25 nidong Super moon hang in zinling theiding, Guahtam
zuk thei ding Huih nung khauh pai thei ding Tuihual te lian ding ahih
man in Kawlgam sung khuapi lian te ah nisawm sung ai khomkhop ding
antang leh meh , Tui cih te kikhol bawl kul ding hi cih thu thang hi.
Myanmar gamsung ban ah ASEAN gamhuam sung India gamhuam sung teng hih
Super Moon tawh kineh phadiak hi cih pilsiamciim te gen khia uhhi.

B. Kalay Myonee Mawlaih khuapi ah Ngasa khawite Lungphona omding

Kalay myonee Mawlaih khuapi huam Heelaw bualtui vai tawh kipawl in 12
Aug 2014ni in mi100 peuh mah in lungphona bawl ding uh cih kiza hi.
Hih Heelaw pen thunei te in (Put up for auction) in zuak uh ci ahih
man in tui lam nasem te in lungkimlo uh cihi. Shwe Sie Seo Company
tetawh akibang in semkhawm in mapan laitak kumnga sung aneek theih
nuntak pihsa uh cihi. District pan in Ngasa lam vaisai thunei ten
amantam piazozo lei theih ding in zuaksak ahihi. Hih Heelaw Bual vai
in Ngasa khawi theihna ding kumnih sep khitteh Ngasa kikhawi zawh kum
nga acing hita hi ci hi.

C. Wakhong Khaliik ni Myanmar gambup Biakna ni cih sawmsawm

Myanmar gamsung ah Biakna Buddhist atampen mimal hihna tawh kizui in
Wakhong khaliik ni pen Myanmar gam biakna ni ding kiphuphu hi. Kumpi
in sanlianna thukip aneih loh hang in Puansan silh te in kum 53 cingta
cih na tawh kizui in Tuni 10 Aug 2014 Wakhong khaliik ni pen gambup
biakna niding in hun pi amun tek uh ah bawl uh hi. Tukum 2014 Aug 10
Wakhong khaliik pen Kachin te ading in Martyr’s hileuleu hi.

D.NCCT te Myanmar Thai gamgi munkhat ah kimuh kholhna nei leuleu.

NCCT leh UWPC gambup lemtuah pupi te Single Text vai Aug 15-16 ki muh
kik ding cih ahih natawh kipawl in NCCT lam pawl Mesai khua pi ah 9
Aug 2014 ni in kimuh kholhna nei uh hi. UWPC tawh 15-16 ni kimuh ding
zekai sa in 10 Aug 2014 in kimuh khop ding in thu vattat kik uh hi.
Tutung taktak ah Federal vai nasia tak kikum taktak tading uh hita
cihi. Thu haksa akisa taktak langnih tuak mai tang kisuhtuah liang
kinial kamtam na lianpi pen Revolution vai, Federal vai, Federal Army
vai, Put down gun vai, ah langnih tuak kamtam na san leh san gial leh
gial, avom leh vom, Na kaan leh kaang kici hituak hi. Kikap lo ding
thau tawi khia ding ahih leh anihtuak in khia tuak, thauzang meek lo
tuak ding in thu tungzel ahih hang in thau tawilo lah gam kihung zolo
in mu zel uh in mu tuak uhi.

*Gam leh Nam hung tuaktuak ei leh ei kikap*

Hau Thang