September 13, 2016: Tu ni-in Moreh khua-a Canan veng hanmual (cemetry) kiangah pasal khatin numei khat buan (raped) hi. Thu kiza danin a pasal in numei pen Muslimte pawi Id-ul ah an ne dingin cial a, Myanmar gam-a kibawl dali beer kici dawnpih hi. A numeinu’ beer dawn sungah zu hatzaw hel sim sak hih tuak hi.
Numeinu’n a kham ciangin Gate Nambat 2na panin Moreh khua-a Canan vengte hanmual ah tonpih a, tua munah buan in, nusia hi. Tu dong khua phawl lo ahih manin zu taktak bek kihelsak dingin ki-um nawn lo a, Canan veng authority ten Moreh hospital ah lutsak (admit) in, zato inn ah kikem lai hi.
Hih banga thupiang pen a deih huai het lo leh a maizum huai mahmah thu ahih banah ei mite ngeina pawi sim dinga kuan a tuahsiatna tuak zong hilo ahih manin policete kiangah hih thu kihek ngam lo hi. A numei leh a buanpa min zong kipulak khia lo hi.
Nam dangte theih dingin zong maizum huai ahih manin policete kiangah thu bangmah kizasak lo hi. A buanpa pen Muslim mi hi kha ding hi (Muslimte pawi an ne dinga tonpih ngam ahih buang teh) Zoliate namdang lawmngaih neih khak ding pen kidop huai mahmah hi.
Source~ Tahchapa & Tahchanu admin/Nitinthusoh Dailynews/Eimi Raigns Roman to HUIHKHI
Thang Khan Lian
Comment piaknop aomleh...