Tuiciim leh mencim hangin India, Nepal, Bangladesh gamsung ah misi 165 phakhin
India, Nepal, Bangladesh gamsung tengah guahtui tamlua ahih manin tuiciim tungkawikawi in, mencim zong omkawikawi hi. Tuabang tuahsiatna hangin asi akigawm in mi 165 phakhin a, dongtuak cimawh in ataikhia zong mi tultampi phakhinta hi ci’n SCMP pan kiza hi.
Nithum sungbang akizom in guahzu ngekngek ahih manin, tui khanggawp in, mencim zong omkawikawi hi. Nepal gamsung bekbek ahzong asi mi 70 bang phakhin a, Northern leh Eastern India gamsung paninzong asi mi 73 bangmah phakhin hi. Bangladesh gamsung ah themcik phadawm zawdeuh in, ahi zongin asi mi 22 bangmah phaveve cihi.
Northeast India, Assam sungah cimawh dongtuak in mi 200,000 bang galtai uh a, Emergency Camp ah kibusahphot uhhi.
Bihar State sung ahzong cimawh dongtuak in akihemkhia mi 15,000 bangmah omkawikawi hi.
Mual leh guam atamdiakna ahi North India, Himachal Pradesh State sungahzong Sunday ni in Passenger apua Bus mawtaw golpi nihtak mencim tawh guamsung ah kiasuk cihi. Mihing apua Passenger Bus himawk ahih manin, asung ah atuang mi 46 takin sihlawh uh cihi.
Northern India, Uttarakhand State sungahzong guahtui tamluatna hangin mencim mah om a, mi 3 in sihlawh uh cih Local Police te’n genkhia uhhi.
Video: Scores dead in flooding and landslides in India and Nepal
Bangladesh gamsung ahzong mi 22 bang sihlawhkhin uh a, adangzong mi 7000,000 bang cimawh dongtuak in om uh cih Local Government te’n genkhia hi. Hihzahliang in Dinajpur sungah tuikhang pen 1988 kum khitzawh katheihcilna hi ci’n Local government administrator Kazi Hasan Ahmed in genkhia hi.
Kumpi thunei lampan in Flood Forecasting and Warning Centre te’n tuipen nai 72 sungbang in khangtoto theilaiding ahih manin kidawm un ci’n Warning pia uhhi.
Nepal gamsung ahzong tui tamlua mahmah ahih manin inn 48,000 bang tui in tumcip cimawk hi. Tuahang in mi 21,000 bang cimawh dongtuak in om uhhi ci’n Local Police te’n genkhia uhhi.
Related: India Minister khatin khuasung kongzing lakah zuntha ahih manin ki mawhsak mahmah
Nepal Red Cross te genkhiatna ah Himalayan Country sungteng ah dawnding tuisiang “Drinking Water” hamsa semsem a, nektawmding zong ki cimawhtek ahih manin kialpi tungtheiding hi ci’n genkhia uhhi. Sawltak #zomidaily
Comment piaknop aomleh...