Malaysia UNHCR zumpi Friday (May 11) ni ki hongkik tading
Malaysia UNHCR zumpi pen a tangkosa mahbangun zingciang Friday (May 11) ni in hongkik tading uhhi. UN zumah Appointment leh Card Renew ding cihte ahunlap in apaitheih nadingun, nalawm nagual te ahunlap in na hopsawn sak unmaw, lungdam! Sawltak #zomidaily
Dear Community Leaders, Greetings from the Community Liaison Unit at UNHCR! Just a gentle reminder that UNHCR will resume operations on 11 May 2018 (Friday).
Kindly help us inform your community.
Thank you. CLU
Malaysia UNHCR zumpi Thursday (May 10) ni kikhakding
Malaysia gamsung aom UNHCR zumpi pen Thursday (May 10) ni kikhakding cih CLU te’n tangkokhia uhhi. Malaysia gamsung ah makaipi kiteelna General Election vaipen bangmah akician omnailo ahih manin, tuahangin UNHCR zumpi zong akikhakding ahihi.
Wednesday (May 09) zankimdong Election Result bangmah ki genkhia nailo ahih manin, mipi te ading Safety leh Security lunghimawhna tawh UNHCR zumpi aki khakding ahihi.
Bangmah thunawngkai aomkeileh Friday (May 11) ni ciangin UNHCR zumpi ki hongkik panding hi.
May 10 (Thursday) ni in Appointment aki piasa tepen UNHCR panin hong zasak kikding uh a, Appointment ani hong laihsakding uhhi.
Thursday ni UNHCR zumah Appointment anei khempeuh leh Card Renew ding cihte kuamah napai khakei un, zum kikhakding ahih manin nahun uh mawkbei lelding hi. Sawltak #zomidaily
UNHCR Office Closure on 10 May 2018 (Thursday)
Dear Community Leaders, Greetings from the Community Liaison Unit at UNHCR!
In view of the uncertain outcome of the 14th General Election of Malaysia and concerns for safety and security of the persons of concern, UNHCR would like to inform you that the Office will be closed on 10 May 2018 (Thursday).
We will resume operations on 11 May 2018 (Friday). UNHCR will contact those with appointments on the 9 May 2018 to reschedule. We would be grateful if you could help us disseminate this information to your community.
Thank you. Regards, CLU
Malaysia Election Result: Najib in lel ahih manin, Dr. Mahathir in Prime Minister semtading
Malaysia gamsung makai kiteelna General Election ii Result pen tuni Thursday (May 10) zingsang 4:40am in ki pulakkhia taktakta hi. Election Commission chairman Tan Sri Mohd Hashim Abdullah in agenkhiatna ah Parliament Seat pen People’s Justice Party (PKR) – 104, Barisan Nasional (BN) – 79, Islamist Parti Islam Se-Malaysia (PAS) – 18, Democratic Action Party (DAP) – 9, Parti Warisan Sabah – 8, United Sabah Alliance – 1, Idependent Candidates -3 cihbangin pulakkhia hi.
Tun Dr. Mahathir Mohamad pen tuni Thursday ni in Istana Negara ah Malaysia gambup ii a 7 na Prime Minister dingin kiciamna neiding hi. Dr. Mahathir in agenna ah Pakatan Harapan (PH) in 14th General Election ah gualzawhna angah ciangin Palace panin hong zasak uh cihi. Ahi zongin Election Commission (EC) inzong Official Announcement bawlding uhhi.
Dr. Mahathir in PH Press Conference akibawlna ah tuni in Palace ah kiciamna kaneiding a, PKR panin Datuk Seri Wan Azizah Wan Ismail pen Deputy Prime Minister in kikoihding hi ci’n genkhia hi. Abeisa in Deputy Prime Minister pen numei omngei nailo a, Datuk Seri Wan Azizah Wan Ismail pen Malaysia gam ii amasa penpen numei Deputy Prime Minister hiding hi.
Dr. Mahathir pen Malaysia gam ii a 7 veina Prime Minister hiding a, tuaban ah Malaysai gamsung ah Prime Minister nihvei akiteelkik pen amahbek hipan hi. Abeisa Prime Minister asep masakpen 1981 kum panin 2003 kumdong hi a, kum 22 sungtak Malaysia Prime Minister asemkhin ahihi. Malaysia Prime Minister khempeuh lakahzong sawtvei ngei penpen ahihi.
Tuaban ah Dr. Mahathir pen kum 92 aphakhin hi a, leitung gambup Prime Minister khempeuh lakahzong akum atampenpen “World’s oldest Prime Minister” hiding hi.
Comment piaknop aomleh...