US President Donald Trump in Refugee Policy vaitawh kisai puahphatnop neituak ahih manin, Department of Homeland Security te’n US gampualam aom Interview bawlding khempeuh khawlsakphot cih Reuters pan kiza hi. US gamsung ah luttheih, teentheih nadingin DHS Interview ahih keileh “Department of Homeland Security” Interview pen athupi mahmahkhat hi a, Thursday ni in DHS Interview bawldingteng khawlsakphotding khensat uh cimawk hi.
President thak Donald Trump in U.S. Refugee Admission Process vaitawh kisaipen khawlcipding bel gencianna neinailo ci a, ahi zongin mailamah Refugee Admission Process pen abeisa hunte sangin ziakaizaw khading kici hi.
President Trump in Executive Order zong asawtlo in letmat thuhding ki ummawh a, tuasung ah US gamsung alutding Refugee khempeuh khawlbawl photding cihzong kihel cihi. Tuaban ah Syria gammi khempeuhzong US gamsung ah luttheihnading Visa piaksawm nawnlo cihzong kihel hi. Middle Eastern leh African Countries sung aom gam 6 tezong Visa piaksawm nawnlo, khakcip photding cihi.
White House Spokesman Sean Spicer in Thursday ni in Reporters te kiangah agenkhiatna ah Donald Trump in Friday niciang in Executive Orders pawlkhat letmat thuhtheih khading a, ahi zongin bangteng cih kiciannailo ci’n genkhia hi.
New York khuapisung phualsah in aom Urban Justice Center ah asem laitak ahi Becca Heller inzong gampualam aom Overseas Interviews khempeuh dinkhawl photding cihthu kumpi zum leh muntuamtuam panin hongki zasak cihi.
Atom in USCIS in ihcih ziauziau “U.S. Citizenship and Immigration Services” panin Spokeswoman Gillian Christensen inzong Interviews teng ki dinkhawl sakphot a, ahi zongin Official in aki Cancel cihbel omnailo cihi.
US gampanin DHS Officers te Jordan, Malaysia, El Salvador, Kenya, Ethiopia cih gamtuamtuam te ah azin zelzel uh hi a, US gamsung luttheih nadingin alutsawm Refugee te Interview abawlzel uh ahihi. Hih DHS Interview pen “refugee resettlement process” lakah anunungpen zong hipah a, athupipen zong cihtheih ahihi.
Becca Heller ii genna ah Overseas Interview khempeuh akikhawlsak pen Refugee Process khempeuh ziakaigawp dinghi ci’n genkhia hi.
Donald Trump in Election Campaign abawl hunlai in Barack Obama in Syria gampan Refugee alakzahding akhansakpen dik sahetlo hi. Abeisa kumin US kumpi in Refugee akigawm in 85,000 bek alak uh himahleh, 2017 Fiscal Year kumsung adingin Refugee 110,000 tak lakding in Obama in phalna pia hi. Tuapen Donald Trump in thukimpih hetlo hi. US gamsung ah Refugee alut te hoihtak in sitcianna kineilo ahih manin, gamsung nawngkaisak ci’n zadah mahmah hi.
Tu’n gampualam aom DHS Interview teng dinkhawlsak cimawkven, bangciang hong tunpihdiam? ZD Sawltak #zomidaily
Mung Mang says
Tua dan ta abat a le pen US a refugee hihna tawh tun theih na ding nidang sang hamsa zaw ding cihna hi lo dia maw, mundang gam dang te ah e le bang ci agei na bang mah in refugee te ading in tun theih na ding dan ki bang to2 lai in teh maw….