Covid-19 Update XXVIIi: White House Press Briefing pan atheih huai thu pawlkhat leh tulai tak US sung thu tuamtuam te: (September 04, 2020)
1) White House Briefing pan new update pawlkhat: Democrats te makaihna tawh tulai tak lungphona nei aa abuai mahmah state leh khua te “bail out” nading sum dollar billion tampi stimulus bill sungah guan ding hanciam ciam uh ahih manin fourth coronavirus stimulus bill ding vai aki kalsuan zo nailo hi ci in President Trump in tu ni White house briefing pan genkhia hi.
Tua bek thamlo in Democrats te hong nget (proposed) khat uh ahi Thong (Jail) sung atung migilo te khahkhiat ding vai leh US gam sung illegal (တရားမ၀င်) aa honglut (illegal immigrants) te direct check payment (stimulus check) piak ding vai te ka sang zo kei ding uh hi ci in genkhia hi. Hi te hang zongin tu dong ciang stimulus bill ding vai ki thukumna kinei zo nai lo hi ci hi.
Pu Trump in US gam ah kha 4 sung 10.6 million nasep thak ki behlap kik in unemployment zong hong kiam suk suk ta ci in genkhia hi. US gam pen Covid-19 pandemic hun sung economic akiat na pan aki tho kik zo pen gam khat in kihel hi ci hi.
2) Fourth coronavirus stimulus package update:
Fourth coronavirus stimulus bill tawh kisai Republicans leh Democrats te kikal thukimna tu dong ngah zo nai lo uh hi.
Anu nung pen update ah Pi Nancy leh White House chief of staff Pu Mark Meadows te phone pan kiho na nei in negotiation ding vai kikum uh aa, ahi zongin bangmah thu kician kiza kik nai lo hi.
Senate Democratic Leader Chuck Schumer in belh Republican te ii stimulus proposal pen “skinny proposal” cih sak aa, asum tang pen tawm sa lua dan in genkhia hi. Republicans te leu leu in Democrats te proposal pen tam sa lua uh aa, akisam lo thu tampi aading leh coronavirus tawh akisai lo fund tampi hel uh ahih manin ka thu kim zo kei ding uh hi ci uh hi.
3) Corona virus vaccine update pawlkhat:
US Centers for Disease Control and Prevention (CDC) in US gam sung ah Covid-19 vaccine pen October kha bei ciang (election bawlma) kihawmkhia thei ding cih genkhia uh aa, tua tawh kisai in US Kumpi ii cidam na lam (health) Agency minthang khat ahi National Institutes for Health (NIH) pan Director Pu Dr. Francis Collins leu leu in October kha bei ciang hawmkhia ding cih pen hi thei nailo dingaa, piang zo nailo ding hi ci in genkhia kik hi.
Tulai tak US sungah Covid-19 vaccine phase 3 na clinical trial akipat lai tak hi aa, mi 30,000 kiim in vaccine sutna nei phot in testing bawl lai ding uh hi ci hi. Tua hi aa, CDC te genkhiat October kha bei ciang hawmkhiat ding cih pen piang thei nailo ding hi ci in Pu Francis in genkhia pha pha hi.
US gam sungaa mipil scientists tampi te in zong vaccine cih te pen amanlang lua aa thoh khiat ding hi lo aa, a sun ding mipi te aading lahuai mahmah ding hi ci uh hi. Vaccine cih te pen Phases leh clinical trial tawm pen 3 vei bawl zawh ciang hawm khiat pan ding hi aa, Kumpi ii agency FDA te in emergency aa zat theih ding “emergency use authorization” peuh tawh hawmkhiat khak ding hi lo hi ci in Dr. Peter Hotez, dean of Tropical Medicine at Baylor College of Medicine in genkhia hi.
Tulai tak Phase 3 clinical trial man nailo pi leh mipi te aading muanhuai ding maw cih thei lo pi in pawlkhat in hawmkhiat ding a hanciam lai tak ahi hi. Tua lak ah Russia kumpi te leh US kumpi te zong kihel hi ci uh hi.
World Health Organization (WHO) in belh Covid-19 vaccine pen mai kum sung ciang bek kihawmkhia zo pan ding ci in amau muhna genkhia uh hi. Russia ten belh vaccine asawt lo in ka hawmkhia dinguh hi ci uh aa, ahi zongin scientists ten vaccine cih pen phase trials thum vei bawl kul tei tei hi ci uh ahih manin Russia te vaccine pen kium zo nai lo suak ahi hi.
US Federal kumpi tawh vaccine thoh khiat zawh nading nasem khawm ahi UK biopharmaceutical company AstraZeneca in Phase 3 clinical trial akipat lam pulaak khia uh aa, trial bawlna ah gam tampi kihel uh hi ci uh hi.
4) Tulai tak US gam sung akihong kik Sang te din mun pawlkhat:
US gam ah College leh University Sang tampi kihong kik ta aa, state atam zaw in Online pan Sangkah na kipan uh in state pawl khat te in-person in kah uh hi. Tua in-person College leh University sang akah sak State 37 sung pan sangnaupang leh Sang ah nasem mi 25,000 in Covid-19 natna ngah (positive) uh hi ci in CNN in genkhia hi. Hih natna ngah thak te pen University leh College bek pan hi uh aa, High school te kihel nai lo hi ci uh hi. US ah tulai tak Covid-19 kilawhna pen Sang kah te kiangah atam pen kimu khia ahih manin in-person in Sang kah te kidawp huai mahmah hi.
5) Maryland ah indoor leh outdoor theaters te thu khun te tawh kihong kik ta ding:
Tu ni (Firday) ni in Maryland state ah movie lah na theaters te a sung lam (indoor) pen 50% capacity ahi kei leh atam pen mi 100 leh apulam (outdoor) theaters te atam pen mi 250 ciang tawh CDC thu khun zang in kihong thei kik ta ding hi ci in Maryalnd Gov. Larry Hogan in taangko khia hi. Theaters khempeuh in social distancing leh mask guidelines te zuih hamtang kul dingaa, azang lo te amanlang tak in ki khak sak kik ding ci hi.
6) Labor day holiday sung kidawp ding genkhia:
US gam sung ah Labor holiday weekend sung natna kilawh mang thei lai ding ahih manin social distancing bawl tek in mi tampi kikhopna te bawl loh ding in Kumpi thu nei te leh cidam na lam (health) lam thu nei ten genkhia uh hi. Abeisa July 4th Independence day holiday weekend sungin zong mi te kidawm lo, social distancing zang lo uh ahih man leh mi tampi kikhopna nei uh ahih manun US gam ah natna ngah thak tampi kibehlap to hi ci uh hi.
Dr. Anthony Fauci, director of the National Institute of Allergy and Infectious diseases in Labor day sung mipi te apua I paikhiat ciang maituam (mask) thuah hamtang ding hantawn aa, Covid-19 vaccine hawmkhiat zawh ma siah Covid-19 dalna ding ahoih pen weapon in maituam hi ci in genkhia hi.
7) Missouri ah Covid-19 natna khang:
Missouri state ah Covid-19 natna hong khang kik tek tek ahih manin White House coronavirus task force in bars sai khempeuh khak kik ding leh maituam thuah hamtang ding thu khun taangkoh khiat dingin state kumpi thu nei te kiang zak sakna nei uh hi. Missouri state sung Covid-19 kilawhna pen community transmission akici mipi sung kilawhna hi aa, manlang mahmah hi ci uh hi. White house in Missouri state pen “Covid-19 Red” in ciamteh aa kilawhna atam pen lam in ciamteh uh hi.
8)) Leitung, Kawlgam leh US Covid-19 natna din mun:
Johns Hopkins University & Medicines te report na tungtawn in September 04, 2020 ciang dong Leitung ah Covid-19 natna ngah mi 26,499,512 (26 million) pha ta in asi mi 872,390 pha ta hi. US gam ah natna ngah mi 6,198,996 (6.1 million) leh asi mi 187,696 pha ta hi. Kawlgam ah natna ngah mi 1,111 pha ta in asi mi 7 om ta hi. Kawlgam ah tulai tak Covid-19 natna akilawh ziah ziah lai tak hi aa, Rakhine gam leh Yangon pen natna kilawh atam pen hi in, Yangon aaom Zomite zong kidawp tek huai mahmah hi.
Tu sung teng leitung gambup ah nikhat sung Covid-19 kilawh atam pen gam in India gam hi aa, ni khat bek bek mi 85000 natna kilawh hi. Tua hi aa, India gam tawh akinai pen Zogam aom teng zong kidawp tek ding thupi mahmah ding ahi hi. US om ei Zomi te sungah zong Covid-19 anei kibehlap toto lai a hih manin i om na ciat ah i kidawp ciat ding leh I innkuanpih te hoih tak I kepcing ciat nang thupi mahmah ding hi. Thomas On Sian Mung (Thomas Mung Guite) Washington D.C September 04, 2020 Momno Media & Museum
Comment piaknop aomleh...