Mapang khawmni Zomi Khuado Pawi 2017 :: Zomi Khuado pawi bawl ding tawh kisai in 26 July 2017 (Wednesday) ni-in ZAM zum ah thudotpi te tawh kikup khopna kinei a, Zomi Ngeina Khuado Pawi limtak a bawl dingin thukimna kinei hi. A mun dingin Zomite Khuado Hall, Chin Woo Stadium mah ki kipsak hi. Khuado pawi nasiatak a bawlna dingin sum leh pai tampi hong kisam ahih manin muanna leh lametna lianpi tawh Khuado Committee in anuai a bangin mapang khawm dingin kong zawn uh hi. 1. Khua kipawlna pan RM200 pan a tungsiah, 2. Biakna pawlpi khat ciang RM300 pan a tungsiah leh 3. Khua kipawlna leh Pawlpi panbek hilo in, mimal in zong tha nong piak nangun kong ngen uh hi. Khuado ni dingin 16 October 2017 (Monday) ni dingin kikip sak hi.
Zomi te kumkhen Khuado pawi ah Malaysia leitang tung a om Zomite khempeuh khatzong pelhem lo a, ih kihel kim theih ding deihna tawh kong theikhol sak uh hi. Tuasung ah Zomite maban ding thugenna, Zomi Idol Malaysia 2017, Laam tuamtuam, Fashion Show leh Lucky Draw te a kipan kivakna /talent show tuamtuam zong om ding a hihmanin khuahun sia leh thusia tuamtuam te tawh kipelh nadingin thungen ciatni. By: Khuado Committee 2017
Zomi Khuado 2017 Committee teng
1. President : Rev. Thang Do Khen 2. Vice President 1 : Rev. En Cin Pau 3. Vice-President 2 : Rev. Go Za Suum4. Secretary : Sia Khoi Sian Tuang 5. Joint-Secretary : Sia Daniel Vum Khan Mung 6. Treasurer : Joseph Tuangpu7. Assist-Treasurer : Sia Tuang Lian Khai8. Accountant : Rev. Dai Sim Mang 9. Accountant 1 : Rev. Thawng Khan Sut10. Auditor : Rev. Dr. Dal Za Cin
Members
1. Rev. Gin Do Khup 8. Rev. Khen Za Dal 2. Rev. Gin Khan En 9. Sia Gin Go Mang 3. Pa Thang Za Khai 10. Siama Ning Ngaih Hau4. Sia Simon Pau Muan 11. Siama Zam San Cing5. Rev. Ngin Khat Thang 12. Sia Kap Za Khup 6. Rev. Suan Cin Hau 13. Tg. Thang Lam Cin7. Sia Hau Thang
UNHCR ZUM AH VAI DAWP THEIH NITE
UNHCR zum ah vai tuamtuam te nadawp nop leh UN vai tuamtuam dawp/kan nuam te in Thursday leh Friday nite ah kidawp/kikan thei a, zingsang nai 7 lap hamtang leng hoih pen hi.
Bank Account bawlnuam te in Wednesday leh Friday nite ah kipai thei a, zingsang lam 10:00 AM pan sunlam 2:00PM kikal ah kipai thei hi.
Zato lam tawh kisai vai naneih leh Monday, Tuesday leh Thursday nite ah zingsang 8:00AM pan 12:00 Noon sungin kipai thei hi.
H1N1 (SWINE FLU) NATNA TAWH KISAI THEIHHUAI THU PAWLKHAT
H1N1 natna pen tulaitak adiakdiak in kawlgam ah hong lang/tam mahmah in Malaysia ah zong kimu zel thei ahih manin in akua maciat kidawm tek ni.
Hih natna neite tungah hi dan in lim hong kilang/mu thei ding hi.(1) Bukkhuh (2) Cisa kia theilo (3) Naptui (4) Lutangna (5) Luvai/lungaam (6) sibup (7) Ci leh sa golh (8) Khutdawn khedawn vot cihdan teng hong kithuah leh zatopi ah paipah ding hoih pen hi.
Hih natna pen a pian khitciang kibawl pan sangin kidal
kholh hoih zawtham hi. Bangci kidal kholh ding hiam cih leh 1. Muktuam (Mask) zang hamtang in. 2. Na bukkhuh ciangin nakam hum in 3. Nakhat peuhpeuh nalawn khitciangin nakhut hoihtak silkik pahpah in 4. Mipi tamna munte ah a kisam mahmah lobuang vakvak kei in 5. Flu natna nei in zatang ne napi na noptuam theih kei leh zatopi ah manglang in tai pah vingveng in.
ZAM FREE CARD KINGAH TADING
ZAM in kumsim a man ngenloin Malaysia Zomi khua ki pawlna makaipite leh pawlpi kem Pastor te ZAM zum ah August 1st-31st sungteng nisim 9:00am-6:00pm kikal hunngah ni khatpeuh ah ZAM Free Card nong bawlna dingun ZAM zum pan zahtakna lianpi tawh kong zasak uhhi. A thei kha nailo a om leh MZCA, ZCMC leh kipawl na tuamtuam te pan nahilh sawnsak un.
ZAM ZUM AH HONG HAWH
Kawlpi Rhema AG pawlpi ah Assistant Pastor asem Rev Neek Deih Suan (Vangteh) in Malaysia ah hong hawh sungin Zomite a itna leh a veina tawh ZAM zum ah hong hawhin thapiakna leh thungetsakna hongnei ahih manin kilungdam mahmah hi. Topa’n siapa hong zatsak semsem tahen.
ZAM ZUM AH HONG HAWH
Tauleng khua ZBCM pawlpi kem Siapa Rev. Suan Deih Cin in Malaysia ah hong hawh sung in Zomi te a itna leh a veina tawh ZAM zum ah hong hawhin thapiakna leh thunget sakna hong nei ahih man in kilungdam mahmah hi. Topa’n a thupha tawh hong tuam semsem ta hen.
ZAM ZUM AH HONG HAWH
Heilei AG pawlpi kem Siapa Rev. Gin Do Lian in Malaysia ah hong hawh sung in Zomi te a itna leh a veina tawh ZAM zum ah hong hawhin thapiakna leh thunget sakna hong nei ahih man in kilungdam mahmah hi.Topa’n a thupha tawh hong tuam semsem ta hen.
ZOMI IDOL TAWH KISAI ZAKSAKNA
Zomi Idol Malaysia 2017 kibawl ding aa, alunglut khem peuh in kal khat khat vei off na ngen un la, na aw uh na ki sinsin ta un. Idol tawh kisai thukhun leh La ding te, min sazian piak nading contact person, La taihna ding mun leh lataih ding ni te ahizong maikal THUPUAK ah hong kisazak beh ding hi.
ZOMI LEAGUE TAWH KISAI ZAKSAKNA
Khuado pawi muakna ih bawl zel ahi Zomi League pen a ngeina bangmah in kinei ding a, kimawl ding hun pen September 27, 28, 29 ni (3) sung hi ding hi. Lutman leh vai dang tuamtuam te pen maikal ciangin cingtak in hong ki zasak kik ding hi.
redONE SIM CARD KILEI THEI
RHB Insurance te vaihawmna tawh UN card a tawi khem peuh in redONE simcard ZAM zum ah deih zahzah kilei thei hi. SimCard khat ciang RM 10 hi dinga, redONE leh red ONE simcard kibang ahih leh free call kingah hi. A dang simcard te minute 1 ciang in 0.16 sen tawh ki sam/call thei hi. Hih sim card te pen line zong hat mahmah in zat nuam mahmah hi.
INSURANCE CARD BAWL HAMTANG UN
UNHCR Cidamna lampan apulakna ah RHB insurance company tawh Operation tampi kibawl khin ahihmanin insurance bawl nailote limtak hanthawn a bawlsak ding hi, tua hikeileh galtaite kibawl zolo in mi tampi’n sihlawh khin ding cihi. Tua ahih manin sum na mawkbei sak sang in ih muhkholh theih loh ih mailam ding kikhual kawmsa in RHB Insurance lei sawm hamtang ni. Kuamah kiang leitawi lo/Pawlpi, khua leh tui buaisak loin, ei leh ei ih hih theih nang ahun omlai in han ciam ciatni. RHB Insurance card a leisate in zong nacard uh tettan abei leh ZAM zum ah kibawlkik thei hi. RHB Insurance in June 2017 a kipan in kal (Kidney) dam loin sisawp kul den (Dailysis) a bawl te huam nawnlo ding hi.
KAWLGAM MP TE TAWH KIMUH KHOPNA KINEI
Kawlgam pan Malaysia ah om kawlgam mi nasem te tawh kisai kantel dingin hong zin ahi (Paliamentary Committee on Local and Overseas Employment pan President U Kyaw Htwe, U Hla San, Pu Cin Khan Pau leh U Soe Thiha, MOEAF President, Kawlgam Embassy pan thunei te tawh 24 July 2017 ni zingsang 9:00AM-10:00AM sung in Mercure Hotel ah kimuh khopna kinei thei hi. Tua hun sungin nasep zia te pawl khat kipulak na kinei a, ei lam pan lunggulh nate zong lai tawh hong puak un hong cih na tawh kizui in lai tawh puak ding ki gelgel lai hi. A diakdiak in UN Card neilo Zomi leh kawlgam mite a ding a beisa sangin mailam hunah tampi kilam dang/ hoihzaw/ nuamzaw dingin lametna lianpi kinei hi.
ZATO VAI BUAIPIH TENG
1. Niang Ngaih Ning(Tedim) Pudu Clinic 2. Zo Sian Ngai(Thalmual) UKM3. Gin Lam Thang(Thalmual) UKM4. Cin Deih Lian(Thalmual) UKM5. Cin Khan Lun(Zozang) Serdang Hospital6. Pau Do Mung(Saizang) UKM7. Pau Lam Khup(Kawlpi) Serdang Hospital8. Cing Ngaih No(Salzang) Ampang Hospital Zato lam tawh kisai Contact : Sia Khuppi 016 3838 014, Sm CiiCing 011 1282 8482
THONG LAM BUAIPIH TENG
1. Pau Kim Gin(Zozang) Damansara Lockup pan tankhia2. Hang Sawm Tung (Pyidawtha) Damansara Lockup pan ki tankhia.
Kimat kihen na tuahkhak leh: ZAM member te kimat kihen na tuahkhak uh leh Contact Sia Tuangpu: 016 254 4093, Sia Go Mang: 018 202 1216
ZAM MEMBER TE A DING NASEP
Western food
Mi (3) kisam hi. Kha sum RM 1200. Nasep hun ni khat nai (11) sung hi ding hi. Omna leh ann pia. Kha khat ni (26) sem ding. UN card nei te bek kideih hi. Amun : Cheras
Factory
UN Card nei mi (2) kideih hi. Khasum RM 1100 + 2 Hours OT. Nasep hun 8:00AM – 5:00PM. Omna pia, ann pia lo.Amun : Puchong
Car cleaning
Khasum RM 1400. Nasep hun 8:00AM– 7:00PMOmna pia, ann pia lo. AMun : Jalan Gasing, PJ
ELEVATOR BAWL DING
KL sung ah mi (20) leh Johor ah mi (20) kideih hi. Na sep hun pen 9:00AM-6:00PM hi-in nikhat RM 55, OT nai khat RM 10. Nisim OT nai (2) om den. Nasep a siam na tawh kizui in ni khat RM100 pan 150 kikal ngah thei.
SEN FOODCOURT
Cheras ah sen foodcourt ah sem ding mi (2) kideih hi. Khasum RM 1200. Nasep hun ni khat nai (12) sung. Kha khat ni (2) off. Sen Food Court Ansai – Pahang ah mi 2 kisamNasep hun: 6am – 5pmOffday: kha khat ni2 khakKhasum: 1200 (Innpia, anpia)
Motor sung vanzat sai ah van thuah ding
Mi 3 kisam – Taman Melawati KL nai Nitha: Nasep siam te RM 65, nasep siam lo te RM 50 (OT azah khat leh alang)Nasep hun: 10 am – 8:30pmOffday: Monday nisim
Mehteh zuak na ah Cashier sem ding
Pasal 5 kideih hi. Nitha: rm 52.50Nasep hun: 8am – 9pm (nai 2 sung tawlnga)Offday: Kha 1 ciang 2 vei. Omna pia
Sen ansai
Anhuan buk huh mi 6 – Bukit BintangNasep hun: Nai12 kikal nai 2 sung tawlngaOffday: kha 1 ciang 4 veiKhasum: 1300 (Innpia, anpia)
Nek leh Dawn lam thohna mun
Mi (2) kisam hi. Nasep hun: 6am – 6pmOffday: Kha khat 4 vei. Khasum: 1560 (Basic 1000 OT nai 3 sung) Amun : Ampang
Factory-AKsa sat ding/Aksa deliver ding
Mi (3) kideih hi. Nasep hun-8am-5pm OT omlai. Off day- every Sunday. Khasum-Rm-1100 -OT om. Omna pia- An pialo. Amun -PuchongNasep tawh kisai Contact : Sia Khuppi 016 3838 014
LUNGDAM KOHNA
1. Thang Lun Za Suan (Ngalzang) RM50ZAM zum leh thupuak ading panpihna hongpia Zomi u leh nau, Khua kipawlna leh biakna pawlpi khempeuh tung ah gen zawhloh lungdamna lianpi ZAM pan kong tangko uh hi.
Comment piaknop aomleh...