Zuu ki Tangko lo

Zuu ki Tangko lo

USA gam sungah van hoih tuamtuam lamngei leh innkim khawng mun
tuamtuam ah a ki lang theithei dingin Laidal lianpipi…cih bang
tuamtuam ki Tangko(Kyawngia) ziahziah hi. Himahleh Zuu tawh ki sai
peuhmah ki Tangko hetlo hi.

Kum 16 Jan,1920 in USA Gam thukhun ah Zuu tawh ki sai a hoihna TV leh
mun tuamtuam ah Tangko loh ding thu na khensat uhhi. Ahangin tua ma-in
Zuu hangin innkuan sung kisia, khangno ki sia, mihing nuntakna tampi
in beilawh in siat gawp ngei hi. Pasian thu tawh ki tuaklo cih zah
dongin hong tangko ziahziah uhhi.

Beer leh Wine zong Zuu nam khat mah ahihi. Beer leh Wine a hoihna zong
ki Tangko lo hi. Sia pawl khat in ni dangin Beer leh Wine zuu nam khat
hilo ci-in lim dawn kha thei uhhi. Tu lamlam ah Pilna neihleh Makai
khat peuh in Zuu, Beer, Wine…cih kham theih namte zanghlo uhhi.

USA gam ah Zuu ki zuak veve hi. Ahi zongin Zuu a lei ding peuhmah kum
cinglo peuhmah ki leisak lo hi cihi. Zuu lei peuh mah in a Suahni uh
ID khat peuh a lak kei uhleh zuu lei theilo hi. Zuu zong a zuakloh hun
a nai om cihi.

Zuu dawn khat in Mawtaw hawl ngeilo hi. A hawl zenzen om in a ki
theihleh thukhun om bangin khauhtak in kum khat sung Mawtaw hawlna ID
matcipsak hi. Pasian thu tawh zong kituak peuhmah hi. Zuu dawn loh
theihtheih dingin kumpi tenzong a hanciamna ahihna ki lang kasa hi.

A phawk thukhat ah Thuhoihlo a Hoihlo khat peuhpeuh Tangkoko na in
phattuamna pia hethetlo cih ka phawk kik kik hi. Lungdam.

Thawn Tuang
Nashville TN USA
Oct 31,2015